Gujarati News

Gujarati News

News of Sunday, 24th January 2021

26મી જાન્યુઆરીએ ખેડૂતોની ટ્રેક્ટર પરેડને લીલીઝંડી : દિલ્હી -હરિયાણા પોલીસની બેઠક બાદ લેવાયો નિર્ણય

પોલીસ સાથેની પાંચ બેઠક બાદ તમામ વાતો નક્કી થઇ :તમામ બેરિકેડ ખોલવામાં આવશે

નવી દિલ્હી : દિલ્હીની સરહદ પર છેલ્લા બે મહિના જેટલા સમયથી કૃષિ કાયદા સામે વિરોધ કરી રહેલા ખેડૂતોએ 26મી જાન્યુઆરીના દિવસે વિશાળ ટ્રેક્ટર પરેડ કાઢવાનું એલાન કર્યુ હતું. જો કે બાદમાં મામલો પોલીસની મંજૂરી વાંકે ગુંચવાયો હતો. દિલ્હી પોલીસે પહેલા ખેડૂતોને રાજધાની દિલ્હીમાં આ ટ્રેક્ટર પરેડ માટેની મંજૂરી નહોતી આપી. ત્યારે શનિવારે ખેડૂતો તેમજ દિલ્હી અને હરિયાણા પોલીસની બેઠક બાદ પ્રજાસત્તાક દિવસ ઉપર ખેડૂતોને ટ્રેક્ટર પરેડ કાઢવાની મંજૂરી આપવામાં આવી છે.

ખેડૂતોએ કહ્યું કે તેઓ દિલ્હીમાં પ્રવેશ કરશે અને શાંતિપૂર્ણ રીચે રેલી યોજશે. આ પરેડનો રુટ આવતી કાલે નક્કી કરવામાં આવશે. શનિવારે ખેડૂત નેતાઓ અને પોલીસ અધિકારીઓના બેઠક યોજાઇ હતી. આ બેઠક બાદ સ્વારાજ ઇન્ડિયાના યોગેન્દ્ર યાદવે જણાવ્યું કે 26 જાન્યુઆરીના દિવસે દેશનો ખેડૂત પહેલી વખત પ્રજાસત્તાક પરેડ કરશે. પોલીસ સાથેની પાંચ બેઠક બાદ તમામ વાતો નક્કી તઇ છે. તમામ બેરિકેડ ખોલવામાં આવશે, અમે દિલ્હીની અંદર પ્રેવશ પણ કરીશું. રુટ વિશે પણ લગભગ બધું નક્કી છે.

ખેડૂતોએ કહ્યું કે 26મી જાન્યુઆરીએ નિકળવનારી આ પરેડને આખી દુનિયા જોશે. આ પરેડના કારણે દેશની આન બાન અને શાન પર કોઇ આંચ નહીં આવે. પરેડની સમય મર્યાદા પણ હજુ નક્કી નથી. ખેડૂતોનું કહેવું છે કે પરેડ 24 કલાકથી લઇને 72 કલાક સુધી ચાલી શકે છે. સાથે જ ખેડૂતોએ અલગ અલગ પંચ રુટ પરથી પરેડ યોજવાની વાત કરી છે

(12:00 am IST)
  • દિલ્હી એરપોર્ટ ઉપરથી કરોડોનું હેરોઈન ઝડપાયું: કરોડો રૂપિયાની કિંમતના ૯.૮ કિલો હેરોઇનના જથ્થા સાથે યુગાન્ડાના બે નાગરિકો દિલ્હી એરપોર્ટ થી ઝડપાઈ ગયા છે. access_time 4:44 pm IST

  • થાકેલા-હારેલા પાકિસ્તાને રશિયાની કોરોના વેકસીનને મંજૂરી આપી દીધી: પાકિસ્તાને રશિયાની સ્પૂટનીક ફાઈવ વેકસીનને ઈમરજન્સી ઉપયોગ માટે મંજૂરી આપી દીધી છે. access_time 4:42 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST