Gujarati News

મુંબઈ, તા. ૨૩ : શેરબજારમાં બુધવારે સતત બીજા દિવસે તેજી જોવા મળી હતી. બીએસઈ સેન્સેક્સ સતત બીજા દિવસે ૪૦૦થી વધુના વધારા સાથે બંધ રહ્યો હતો. સોમવારે ભારે ગિરાવટ પછી, તે મંગળવારે ૪૫૨ પોઇન્ટના વધારા સાથે બંધ રહ્યો હતો, જ્યારે બુધવારે તેમાં  ૪૩૭ પોઇન્ટની તેજી આવી હતી. ટ્રેડિંગ દરમિયાન, તે ૪૬૫૧૩.૩૨ પોઇન્ટના ઉચ્ચતમ અને ૪૫૮૯૯.૧૦ પોઇન્ટના નીચા સ્તરે પહોંચ્યા પછી ૪૬૪૪૪.૧૮ પોઇન્ટની સપાટીએ બંધ રહ્યો હતો. નિફ્ટી પણ ૧૩૬૦૦ ના આંક ઉપર બંધ રહ્યો હતો.

વેદાંતના શેરમાં ૮ ટકાનો અને એચયુએલના શેરમાં ૩ ટકાનો વધારો થયો છે. આઇટી અને એફએમસીજી શેરોમાં સૌથી વધુ તેજી રહી હતી. સેન્સેક્સના ૩૦ માંથી ૨૭ શેર તેજી સાથે બંધ થયા છે. સેન્સેક્સ અગાઉના સત્રમાં ૪૫૨.૭૩ પોઇન્ટ અથવા ૦.૯૯ ટકા વધીને ૪૬,૦૦૬.૬૯ પોઇન્ટ પર હતો અને નિફ્ટી ૧૩૭.૯૦ પોઇન્ટ અથવા ૧.૦૩ ટકા વધીને ૧૩,૪૬૬.૩૦ પોઇન્ટ પર બંધ થયા હતા. શેરબજારના પ્રોવિઝનલ ડેટા અનુસાર, વિદેશી પોર્ટફોલિયોના રોકાણકારો (એફપીઆઈ) એ મંગળવારે એકંદર ધોરણે ૧,૧૫૩ કરોડના શેર ખરીદ્યા હતા. એશિયન બજારોમાં સકારાત્મક વલણ વચ્ચે ત્રીજા કારોબારના દિવસે બુધવારે શેરબજાર દિવસભર વધઘટ પછી લીલા નિશાન પર બંધ રહ્યું. બોમ્બે સ્ટોક એક્સચેંજનો મુખ્ય સૂચકાંક સેન્સેક્સ ૪૩૭.૪૯ પોઇન્ટના વધારા સાથે ૦.૯૫ ટકા વધીને ૪૬૪૪૪.૧૮ પર બંધ રહ્યો છે. તો નેશનલ સ્ટોક એક્સચેંજ નિફ્ટી ૧.૦૦ ટકા (૧૩૪.૮૦ પોઇન્ટ) ની મજબૂતી સાથે ૧૩,૬૦૧.૧૦ પર બંધ રહ્યો છે.

બીએસઈ સ્ટાન્ડર્ડ ઈન્ડેક્સ અગાઉના સપ્તાહમાં ૮૬૧.૬૮ પોઇન્ટ એટલે કે ૧.૮૬ ટકા વધ્યો હતો. ૧ જાન્યુઆરી, ૨૦૨૦ ના રોજ ૪૧,૩૦૬.૦૨ પર બંધ રહ્યો હતો. પરંતુ વિશ્લેષકોના મતે, વધુ બજારની અસ્થિરતા ચાલુ રહેશે. આથી રોકાણકારોએ સાવધ રહેવું જોઈએ.

દિગ્ગજ શેરોની વાત કરીએ તો આજે વિપ્રો, સિપ્લા, ટાટા સ્ટીલ, ટાટા મોટર્સ અને હિન્દુસ્તાન યુનિલિવરના શેર લીલા નિશાન પર બંધ થયા છે. તે જ સમયે, હીરો મોટોકોર્પ, ડિવીસ લેબ, ટાઇટન, એનટીપીસી અને પાવર ગ્રીડના શેર લાલ નિશાન પર બંધ થયા છે.

જો આપણે સેક્ટોરલ ઈન્ડેક્સ પર નજર નાખીએ તો આજે તમામ સેક્ટર લીલા નિશાન પર બંધ થયા છે. આમાં ફાર્મા, આઈટી, એફએમસીજી, ફાઇનાન્સ સેવાઓ, રિયલ્ટી, ખાનગી બેંકો, બેંકો, પીએસયુ બેંકો, મીડિયા, ઓટો અને મેટલ શામેલ છે.