Gujarati News

Gujarati News

News of Monday, 23rd November 2020

લવ જિહાદ : વિદેશી ભંડોળ અને સંગઠિત કાવતરાના કોઇ પુરાવા મળ્યા નથી : SIT ના રિપોર્ટમાં ખુલાસો

કાનપુરમાં કથિત લવ જિહાદના મામલેSIT એ રિપોર્ટ સોંપ્યો :SITની તપાસમાં કુલ 14 કેસ: 11 કેસોમાં આરોપીઓ સામે ચાર્જશીટ દાખલ:અન્ય 3 કેસોમાં પુખ્ય વયની યુવતીઓએ યુવકોની તરફેણમાં નિવેદન આપ્યું: યુવકોને નામ બદલ્યા 3 એવા કેસ

લખનઉ: કાનપુરમાં કથિત લવ જિહાદના મામલે રચાયેલી સ્પેશિયલ ઇન્વેસ્ટિગેશન ટીમે આઈજી રેન્જને પોતાનો રિપોર્ટ સોંપી દીધો છે. એસઆઈટીને આ કેસોમાં વિદેશી ભંડોળ અને સંગઠિત કાવતરાના કોઇ પુરાવા મળ્યા નથી. એસઆઈટીએ તેની તપાસમાં કુલ 14 કેસનો સમાવેશ કર્યો હતો. તેમાંથી 11 કેસોમાં પોલીસે આરોપીઓ સામે ચાર્જશીટ દાખલ કરી છે. જ્યારે 3 કેસોમાં પુખ્ત વયની યુવતીઓએ યુવકોની તરફેણમાં નિવેદન આપ્યું છે. ત્યારબાદ અંતિમ રિપોર્ટ આપવામાં આવ્યો છે. તેમના પર કોઈ કાર્યવાહી કરવામાં આવી નથી.

કાનપુર રેન્જના મોહિત અગ્રવાલે જણાવ્યું કે કુલ 14 કેસ કાનપુરમાં એવા કેસ સામે આવ્યા હતા જેમાં બાળકોના માતા-પિતાએ આરોપ લગાવ્યા હતા કે પુત્રીઓ સાથે છળકપટ કરી યુવકોએ તેમને ફસાવી લીધી છે. આ ઘટનાને લઇને એસઆઈટીની રચના કરવામાં આવી હતી. એસઆઈટીએ તમામ પ્રકરણની તપાસ કરી, જેમાં 11 કેસ એવા મળ્યા, જેમાં કોઇ ગુનો થયો હોય અને 11 લોકોને જેલ ભેગી કરી દેવાયા છે.

તપાસમાં કાનપુરના 4 યુવક એક બીજા સાથે સંપર્કમાં હતા તેવા પુરાવા મળ્યા છે. આ ચારેય એક સાથે ફોન પર વાતચીત કરતા હતા. જોકે ઓવરઓલ કોઇ પણ પ્રકારના કાવતરાના પુરાવા નથી મળ્યા. શરૂઆતમાં પોલીસ પાસે કથિત લવ જિહાદના 6 કેસ આવ્યા હતા જે વધીને 14 થઇ ગયા

   બીજીતરફ 3 કેસ એવા મળ્યા જેમાં યુવકોએ પોતાના નામ બદલ્યા હતા. તેમાં ફતેહ ખાને આર્યન મલ્હોત્રા, ઓવેસે બાબુ અને મુખ્તાર અહમદે પોતાનું નામ રાહુલ રાખ્યું હતુ. મુખ્તાર અહમદે રાહુલ નામથી આધાર કાર્ડ પણ બનવ્યો છે.

   અત્રે ઉલ્લેખનીય છે કે 20 નવેમ્બરે સમાચાર આવ્યા હતા કે ઉત્તર પ્રદેશમાં ટૂંક સમયમાં લવ જિહાદ વિરુદ્ધ એક કડક કાયદો બનાવવામાં આવશે. ન્યૂઝ એજન્સીએ રાજ્યના ગૃહ વિભાગના હવાલાથી આ જાણકારી આપી છે. ગૃહ વિભાગે એ પણ જણાવ્યું કે તેમણે કાયદા વિભાગને સંબંધિત એક પ્રસ્તાવ મોકલ્યો છે. ઉત્તર પ્રદેશના મુખ્યમંત્રી યોગી આદિત્યનાથે જણાવ્યું હતુ કે તે લવ જિહાદ અટકાવવા માટે પ્રભાવી કાયદો બનાવાશે. તેમણે ચેતવણી આપી હતી કે જે લોકો વહુ-પુત્રીઓની આબરૂ સાથે રમે છે, જો તેઓ નહીં સુધરે તો ‘રામ નામ સત્યા હૈ’ની તેમની અંતિમ યાત્રા નિકળવાની છે

(9:53 pm IST)
  • સાંસદો માટે દિલ્હીમાં બન્યા આલીશાન મલ્ટી સ્ટોરી ફ્લેટ : 4 બેડરૂમ, ઓફિસ, સ્ટાફ ક્વાર્ટર સહિતની અદ્યતન સુવિધા ધરાવતા વેલ ફર્નિસ્ડ ફ્લેટનું વડાપ્રધાન શ્રી નરેન્દ્ર મોદીએ ઉદઘાટન કર્યું : ગંગા, યમુના તથા સરસ્વતી નામક 3 ટાવરમાં 218 કરોડ રૂપિયાના ખર્ચે 76 ફ્લેટ બનાવાયા : જડબેસલાક સિક્યુરિટી વ્યવસ્થા ,દરેક ટાવરમાં 4 ઓટોમેટિક લિફ્ટ, ફાયર સુરક્ષા, સોલાર પેનલ્સ, જનરેટર સહિતની સુવિધા access_time 1:15 pm IST

  • કાંદિવલીમાં 24 માં માળે આગ લાગી: મહારાષ્ટ્ર: મુંબઇના કાંદિવલી પૂર્વ વિસ્તારના ઠાકુર ગામમાં ચેલેન્જર્સ ટાવરના 24 મા માળના ફ્લેટમાં આગ લાગી: હજી સુધી કોઈ જાનહાનિ નોંધાઈ નથી. access_time 11:38 pm IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST