Gujarati News

Gujarati News

News of Monday, 23rd November 2020

ટ્રાયલ કોર્ટના 2 G ચુકાદા સામે સીબીઆઈની દિલ્હી હાઇકોર્ટમાં અપીલ : કેન્દ્ર સરકારની મંજૂરી લીધા વિના સીબીઆઈ એ અપીલ કરી હોવાથી તે રદ થવા પાત્ર છે તેવી આરોપીઓની અરજી ફગાવી દેતી દિલ્હી હાઇકોર્ટ

ન્યુદિલ્હી : ટ્રાયલ કોર્ટએ આપેલા 2 G ચુકાદા સામે સીબીઆઈ એ કરેલી અપીલ કેન્દ્ર સરકારની મંજૂરી વિના કરાઈ હોવાથી તે રદબાતલ થવા પાત્ર છે તેવી આરોપીઓએ કરેલી અરજી દિલ્હી હાઇકોર્ટએ ફગાવી દીધી છે.

નામદાર કોર્ટે જણાવ્યું હતું કે આ અરજી કોડ ઓફ ક્રિમિનલ પ્રોસિજર ની કલમ 378 (2) બહારની છે.તેનાથી તપાસનીશ એજન્સીની અપીલ રદ કરી શકાય નહીં .આ મહિનાના અંતમાં નિવૃત થઇ રહેલા જસ્ટિસ શ્રી સેઠીએ જણાવ્યું હતું કે અપીલ સ્પેશિઅલ પબ્લિક પ્રોસિક્યુટર દ્વારા કરવામાં આવી છે બાબત પૂરતી છે.

નામદાર કોર્ટએ ઉમેર્યું હતું કે અપીલ કરવા માટે મળેલી મંજૂરી રજૂ કરવા માટે સીબીઆઈ  બંધાયેલી નથી.ઉપરાંત પ્રિવેંશન ઓફ કરપશન એક્ટ ની કલમ 13 (1) (ડી) માં 2018 ની સાલમાં કરાયેલો સુધારો આરોપીઓ માટે બચાવને પાત્ર નથી.સુધારો અગાઉ કરાયેલા ગુનાઓમાંથી મુક્તિ અપાવતો નથી.તેનો હેતુ અગાઉના કાયદાને રદ કરવાનો નથી.

આ મહિનાના અંતમાં નિવૃત થઇ રહેલા જસ્ટિસ શેઠીના ટેબલ ઉપરથી આ અપીલ હટાવી લેવાઈ હતી જે બીજા ટેબલ ઉપર લઇ જવાશે .

સિદ્ધાર્થ બેહુરા ,રાજીવ અગરવાલ ,તથા શરદકુમારે સીબીઆઈએ ટ્રાયલ કોર્ટના  2 G ચુકાદા સામે કલમ 378 (2) ના અમલ માટે દિલ્હી હાઇકોર્ટમાં કરેલી અરજી  નામદાર કોર્ટે નામંજૂર કરી હતી.તેવું બી.એન્ડ બી.દ્વારા જાણવા મળે છે.

(6:45 pm IST)
  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST

  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST