Gujarati News

Gujarati News

News of Monday, 23rd November 2020

ખાનગી ડેટાની ચોરી- વેંચાણ રોકવા હેકર-કંપનીઓ ઉપર લગામ કરાશેઃ સરકાર વિધેયક લાવશે

ડેટા સુરક્ષાના અભાવે કરોડો ભારતીયોની વ્યકિતગત માહિતી ખતરામાં: ફકત ૧ રૂપીયાથી વેચાય છે

ચેન્નઇઃ ડીજીટલ અર્થવ્યવસ્થામાં ડેટાને દેશની સંપતીનારૂપે જોવામાં આવી રહ્યું છે. ડેટા સુરક્ષાના અભાવમાં કરોડો લોકોની વ્યકિતગત માહિતી દાવ ઉપર છે. તેવામાં સરકાર ખાનગી ડેટા ચોરવા અને વેચવાવાળી કંપનીઓ ઉપર લગામ કસવાની તૈયારીમાં છે.

હાલમાં જ ડેટા લીકની મોટી ઘટના સામે આવી છે, જેમાં હેકરે ગ્રોસરી ઇ-કોમર્સ પ્લેટફોર્મ બીગ બાસ્કેટના ૨ કરોડ ગ્રાહકોના ખાનથી ડેટા ચોરી લીધા, હેકરે આ ડેટા ૪૦ હજાર ડોલર (૨૯.૫૦ લાખ રૂપીયા)માં વેચવા માટે ડાર્ક વેબ ઉપર મૂકી દીધો હતો. આ પહેલીવાર નથી, અગાઉ આ વર્ષમાં મે મહિનામાં પણ  ૨.૯ કરોડ ભારતીયોનો વ્યકિતગત ડેટા ડાર્ક વેબ ઉપર લીક થયો હતો. હેરાનીની વાત છે કે ડેટાની કીંમત દરરોજના હિસાબે ફકત ૧૪૦ રૂપીયા લગાવાય છે. ડાર્ક વેબમાં તમારા એકાઉન્ટનો પાસવર્ડ, ટેલીફોન નંબર અને ઇ-મલ આઇડી સામેલ છે.

રાષ્ટ્રીય સુરક્ષાના આધારે સરકાર દેશમાં પહેલીવાર ડેટા સંરક્ષણ કાયદો લાવી રહી છે. ખાનગી ડેટા સંરક્ષણ વિધેયકમાં ખાનગી ડેટાની ચોરી કરનાર કંપનીઓ ઉપર સખ્તી વધારવાની તૈયારી છે નિયમોના ભંગ બદલ મોટો દંડ અને જેલનું પ્રવિધાન છે. આ વિધેયકથી દેશમાં જ ડેટા પ્રોસેસીંગ થશે અને વિદેશોથી થતી જાસુસી રોકી શકાશે.

ડાર્ક વેબ ઇન્ટરનેટની દુનિયાનો એ સૌથી ખતરનાક ભાગ છે જેને સર્ચ એન્જીન પણ નથી દેખાડતા. એન્ટી વાયરસ બનાવનાર કંપની મેકઅફેના જણાવ્યા મુજબ આ ઇન્ટરનેટની દુનીયાથી લગભગ ૩ ગણુ મોટુ છે જો કે તેને ઉપયોગ ગેરકાયદેસર છે. ટોર બ્રાઉઝરનો ઉપયોગ કરનાર જ ડાર્ક વેબનો ઉપયોગ કરી શકે છે. કેમ કે ટોર બ્રાઉઝર ટ્રેક નથી થઇ શકતુ.(૨૩.૧૭)

હાઇપ્રોફાઇલ લોકોના ડેટાની કિંમત વધુ

ડેટાની કિંમત ૧ રૂપીયાથી શરૂ થાય છે. હાઇ પ્રોફાઇલ લોકોના ડેટા ૫૦૦ થી ૨૦૦૦ રૂપિયા સુધી વેચાય છે. આ ડેટા અનેક પેકેજમાં વેચાય છે. પેકેજનો ભાવ રૂ.૧૪૦ પ્રતિ દિવસથી લઇ ૪૯૦૦ રૂપિયા ત્રણ મહિના સુધીનો હોય શકે છે. ગ્રાહકો આ ડેટા માટે બિટકોઇન, લાઇટ કોઇન, ડૈશ રિપલ અને ક્રિપ્ટોકરન્સીથી ચૂકવણી કરે છે.

(3:31 pm IST)
  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • હવે મઘ્યપ્રદેશ સરકાર વસૂલશે ગૌટેક્સ :આંગણવાડીમા ઈંડાને બદલે દૂધનું વિતરણ કરાશે : ગૌ ટેક્સથી એકત્ર થયેલી રકમ ગૌ સંરક્ષણ માટે ખર્ચાશે : ગૌ કેબિનેટની પજેલી બેઠકમાં લેવાયો નિર્ણંય access_time 11:53 pm IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST