Gujarati News

પન્ના તા. ૨૩ : મધ્યપ્રદેશના પન્નાના કોહની ગામમાં એક જનેતાએ અડધી રાત્રે પોતાના ૨૪ વર્ષિય જુવાનજોધ પુત્ર ઉપર કુહાડીના ખચાખચ ઘા મારી હત્યા કરી નાખ્યાના બનાવે ભારે અરેરાટી સર્જી છે.

સવારે ૪ વાગ્યે પોતેજ પતિને જગાડી જણાવ્યુ કે મે બલી ચઢાવી દીધી. ગભરાયેલા પતિએ આસપાસના લોકોને બોલાવ્યા અને દીકરાના ઓરડામાં જઇને જોયુ તો લોહીથી લથપથ લાશ પડી હતી.

પોલીસે તુરંત જ આરોપીને પકડી લઇ આગળની કાર્યવાહી કરેલ. એસ.પી. મયંક અવસ્થીએ જણાવેલ કે બહોરી લોધીની પત્ની સુનિયાબાઇ લોધી (ઉ.વ.૫૦) એ બુધવારે રાત્રે બધા સુઇ ગયા બાદ મોટા પુત્ર દ્વારકાપ્રસાદના ઓરડામાં જઇ કુહાડીથી હુમલો કરી હત્યા કરી નાખી હતી. અંધશ્રધ્ધાના કારણે આ હત્યા થઇ હતી. આ મહીલા દ્વારા છેલ્લા કેટલાક દિવસોથી  જાદુ ટોણાથી કઇક ઉપચાર કરાવવામાં આવી રહ્યો હતો. જેના ભાગરૂપે આ હત્યા થઇ હતી.