Gujarati News

Gujarati News

News of Tuesday, 23rd October 2018

તમારે મારી ઇજ્જત રાખવી પડશે, પાર્ટી ગઇ તેલ લેવાઃ મધ્યપ્રદેશના કોંગ્રેસના ધારાસભ્ય જીતુ પટવારીની જીભ લપસી

ઈન્દોર : મધ્ય પ્રદેશમાં કોંગ્રેસના ધારાસભ્ય જીતુ પટવારીએ એક વિવાદાસ્પદ નિવેદન આપ્યું છે, જેનો વીડિયો હાલ સોશિયલ મીડિયા પર વાઈરલ થઈ રહ્યો છે. વીડિયોમાં જોઈ શકાય છે કે, જીતુ પટવારી ડોર ટુ ડોર કેમ્પેઈન કરી રહ્યો છે. દરમિયાન તે એક ઘરમાં જાય છે, અને ત્યાં પોતાના માટે વોટ માંગે છે. વોટ માંગતા દરમિયાન જીતુ પટવારી કહી રહ્યો છે કે, ‘તમારે મારી ઈજ્જત રાખવી પડશે, પાર્ટી ગઈ તેલ લેવા.’ કોંગ્રેસ ધારાસભ્યની જીભ પરથી પાર્ટી માટે એટલી મોટી વાત કહેવાઈ ગઈ કે, હાલ લોકો તેની મજાક ઉડાવી રહ્યા છે. સોશિયલ મીડિયા પર લોકો તેના પર કોમેન્ટ્સ કરી રહ્યાં છે.

ઉલ્લેખનીય છે કે, જીતુ પટવારી ટીવી ચેનલો પર કોંગ્રેસ પાર્ટીનો પક્ષ રાખતા દેખાય છે. હાલ તે ઈન્દોર જિલ્લાના રાઉ સીટ પરથી ધારાસભ્ય છે. સોશિયલ મીડિયા પર વીડિયો વાઈરલ થવા પર જીતુ પટવારીએ કહ્યું કે, તેના દ્વારા બોલાયેલા શબ્દોનો ખોટો પ્રચાર કરવામાં આવે. વિસ્તારના વરિષ્ઠ સદસ્યો પણ મારા પરિવારના છે. બીજેપી મારી છબી ખરડવાનો પ્રયાસ કરી રહ્યું છે. જનસંપર્ક દરમિયાન મેં બીજેપી માટે શબ્દો કહ્યાં હતા.

તાજેતરમાં મધ્ય પ્રદેશના વરિષ્ઠ કોંગ્રેસી નેતા દિગ્વિજય સિંહે કહ્યું હતું કે, તેમના નિવેદનોથી કોંગ્રેસને નુકશાન થઈ રહ્યું છે. ઉપરાંત વરિષ્ઠ કોંગ્રેસી નેતા ગુલામ નબી આઝાદે પણ કહ્યું હતું કે, કોંગ્રેસી તેમને હિન્દુ બહુમતીવાળા વિસ્તારોમાં પ્રચાર માટે નથી બોલાવતા. કેમ કે, તેમને શંકા હોય છે કે તેમના જવાથી હિન્દુ વોટર્સ નારાજ થઈ જાય.

 

(6:09 pm IST)
  • રાજયના મોલ - મલ્‍ટિપ્‍લેકસમાં પાર્કિંગ ચાર્જનો વિવાદ ફરી હાઇકોર્ટમાં પહોંચ્‍યોઃ મોલ-મલ્‍ટિપ્‍લેકસમાં એક કલાક પાર્કિંગ ફ્રીના નિર્ણય સામે ફરી અપીલઃ હાઇકોર્ટના સિંગલ જજના આદેશ સાથે અમુક મોલ સંચાલકોની અરજી access_time 4:52 pm IST

  • શ્રીનગરમાં લાલચોકની આસપાસ જવા પર પ્રતિબંધઃ માર્ચ કાઢવાની કોશીશ કરી રહેલ યાસીન મલીકની ધરપકડ : કુલગામમાં રવિવારે થયેલ બ્‍લાસ્‍ટમાં સાત નાગરીકોના મોત બાદ અલગતાવાદીઓ પ્રદર્શન કરી રહયા છેઃ ગિલાની અને મિરવાઇઝને પહેલાજ નજરબંધ કરાયા છેઃ શાળા-કોલેજો બંધઃ બારામુલા-બનિહાલ વચ્‍ચે ટ્રેન સેવા અને મોબાઇલ ઇન્‍ટરનેટ સેવા બંધ કરાયા access_time 4:52 pm IST

  • એસસી/એસટી એક્ટમાં થયેલા નવા સુધારાને પડકારતી અરજીઓ ઉપર ૨૬ ઓક્ટોબર સુધીમાં જવાબ રજૂ કરવા સુપ્રીમ કોર્ટ આદેશ આપ્યો છે access_time 1:19 am IST