Gujarati News

ભારતમાં એડવેન્ટર સ્પોર્ટસનો ક્રેઝ વધતો જાય છે. લોકો એવા ડેસ્ટિનેશન શોધતા હોય છે જ્યાં કુછ તુફાની કરી શકાય. થ્રીલને માણી શકાય. બંજી જમ્પિગ, સ્કાઈ ડાઈવિંગ જેવા એજવેન્ચર સ્પોર્ટ્સ સિવાય થોડા સમયથી વોટર સ્પોર્ટસ પણ લોકપ્રિય છે. આપણા દેશમાં કેટલીક એવી પણ જગ્યાઓ છે જ્યાં વોટર સ્પોર્ટ્સનો રોમાંચ માણી શકાય છે.

ગોવા

જ્યારે જ્યારે વોટર સ્પોર્ટસનું નામ આવે ત્યારે ગોવાનું નામ પ્રથમ ક્રમે આવે છે. છેલ્લા કેટલાક સમયથી વોટર સ્પોર્ટસ ખૂબ લોકપ્રિય થયા છે. અગાઉ કેટલીક ચોક્કસ હોટેલમાં જ આ પ્રવૃતિઓ કરાવવામાં આવી હતી. પણ હવે આ સુવિધા ગોવાના બીચ પર પ્રાપ્ય છે. જેમાં જેટ સ્કિંઈગ, કાઈટ સર્ફિગ જેવા સ્પોર્ટસનો સમાવેશ થાય છે.

આદામાન આઈલેન્ડ

આદામાન આઈલેન્ડને સ્પોર્ટ્સનું હબ માનવામાં આવે છે. આ નાનકડા દ્વિપમાં પેરાસેલિંગ, જેટ સ્કિંગ, બોટિંગ, સ્કૂબા ડાઈવિંગ જેવી એક્ટિવિટી પ્રાપ્ય છે. આ પ્રવૃતિઓનો અનુભવ જીવનમાં કાયમ માટે યાદ રહી જશે. કેટલીક ખાનગી કંપનીઓ પણ આદામાનમાં પ્રવાસીઓને આ પ્રવૃતિઓ કરવા સુવિધાઓ આપે છે.

કેરળ

વોટર સ્પોર્ટ્સ માટેની બેસ્ટ જગ્યામાં કેરળનો સમાવેશ થાય છે. અહીં બેકવોટર્સ, ઝરણાઓ અને નદીઓનો સંગમ ખૂબ લોકપ્રિય છે. એલેપ્પી, પેરિયાર, કન્નુર જેવી જગ્યાઓ પર સ્પોર્ટ્સની સાથોસાથ કુદરતી નઝારો પણ માણવા મળશે.

લદ્દાખ

લદ્દાખમાં રિવર રાફટિંગની મજા એક વખત માણવા જેવી છે. અહીં જેવું થ્રીલ દુનિયામાં બીજે ક્યાંય માણવા નહીં મળે. લદ્દાખ પાસે આવેલી સિંધુ નદી અને જંસકાર નદીમાં વોટર સ્પોર્ટ્સ કરવામાં આવે છે. જંસકાર નદી ખાસ કરીને ગ્રેડ 3, ગ્રેડ 4 રેપિડ માટે રિઝર્વ છે. ગ્રેડ-1 અને ગ્રેડ-2 સરળ રિવર રાફટિંગ લેહમાં પણ મળી રહેશે. અહીં એક અનોખો અનુભવ થશે. એક તરફ પહાડ અને બીજી તરફ હિલ્લોળા લેતા મોજા.

નૈનિતાલ

ફેમિલી ટ્રિપ હોય કે હનિમૂન. નૈનિતાલ પર્યટકો માટે કાયમ ફેવરિટ રહ્યું છે. નૈનિતાલમાં વોટસ સ્પોર્ટની મજા પણ માણવા જેવી છે.