Gujarati News

Gujarati News

News of Tuesday, 23rd October 2018

પુરૂષો માટે લગ્ન વય મર્યાદા ૨૧માંથી ૧૮ કરવાની અરજી સુપ્રિમે ફગાવીઃ

અરજદારને રપ૦૦૦નો દંડ ફટકાર્યો

નવી દિલ્હી તા.૨૩: સુપ્રિમ કોર્ટે પુરૂષોની લગ્ન માટેની ઉંમર ૨૧ થી ઘટાડીને ૧૮ કરવાની માગણી કરતી એક જનહિતની અરજી રદ કરીને અરજદારને રપ૦૦૦ રૂપિયાનો દંડ ફટકારી જણાવેલ કે આમાં કોઇ જનહિત સામેલ નથી.

આશોક પાંડે નામના વકીલ દ્વારા આ જનહીતની અરજી દાખલ કરાઇ હતી. પાંડેએ રપ૦૦૦ રૂપિયાનો દંડ માફ કરવા વારંવાર વિનંતી કરી પણ સુપ્રીમ કોર્ટે તેની વાત ન માની.મુખ્ય ન્યાયાધીશ રંજન ગોગોઇએ કહયું, '' જો કોઇ ૧૮ વર્ષની વ્યકિત આ પ્રકારની અરજી સાથે અમારો સંપર્ક કરશે તો તમારા દ્વારા જમા કરાયેલ રકમ તેને આપી દઇશું.'' પાંડેએ અરજીમાં કહયું હતું કે જો ૧૮ વર્ષનો વ્યકિત ચૂંટણીમાં મતદાન કરી શકે અને પોતાનો પ્રતિનિધિ ચૂંટી શકે તો તેના લગ્ન પર બંધન કેમ રાખી શકાય.તેમણે બાળ વિવાહ નિષેધ અધિનિયમ, વિશેષ વિવાહ અધિનિયમ અને હિંદુ વિવાહ અધિનિયમની જોગવાઇઓનો ઉલ્લેખ કર્યો હતો જેમાં પુરૂષો અને મહિલાઓ માટે લગ્નની ઉંમર નક્કી કરાઇ છે. અને તેમણે કહયું કે આ જોગવાઇઓ બંધારણમાં અપાયેલ મોૈલિક અધિકારોનો ભંગ કરે છે.

(3:16 pm IST)
  • પાકિસ્તાન ડીજીએમઓ સ્તરની વાતચીત પહેલા નાપાક હરકત : પુછમાં સેનાની છાવણીની નજીક શેલ ફાટયોઃ સેનાની છાવણીને નિશાન બનાવાઇ access_time 3:33 pm IST

  • મુંબઈ:એરપોર્ટ પર ૬ કલાક વિમાન સેવા બંધ રહેશે :મુંબઈ એરપોર્ટના રન-વેના સમારકામને લઇ સવારે ૧૧ કલાક થી ૫ કલાક વિમાનસેવા બંધ: ૩૦૦થી વધુ વિમાનસેવાઓને અસર પડશે access_time 2:23 pm IST

  • રાજકોટ :આજી ડેમમાં સૌની યોજના મારફત થતી નર્મદા નીરની આવક બંધ :સૌરાષ્ટ્રની બ્રાન્ચ કેનાલમાં પાણી બંધ કરવામાં આવ્યું:દોઢ માસ નર્મદાનીર મળતા આજી ડેમ સપાટી થયું 23.50 ફૂટ:રાજકોટને 100 દિવસ ચાલે તેટલું પાણી ડેમમાં ઉપલબ્ધ:રોજ 6 MCFT જેટલું પાણીનો ઉપાડ કરવામાં આવી રહ્યો છે access_time 2:23 pm IST