Gujarati News

Gujarati News

News of Tuesday, 23rd October 2018

સાઉથ આફ્રિકામાં વસતા ભારતીયોને બિરદાવતા પ્રાંતિય આગેવાન ડેવિડ મખુરાઃ મહાત્મા ગાંધીના વખતથી રંગભેદ નાબુદી, ભ્રષ્ટાચાર નાબુદી તથા અર્થતંત્રને મજબુત બનાવવામાં સ્થાનિક ભારતીયોના સહયોગની પ્રશંસા કરી

જહોનિસબર્ગઃ દક્ષિણ આફ્રિકાના આગેવાને સ્થાનિક ભારતીયોની પ્રશંસા કરી છે. તેમણે જણાવ્યું હતું કે મહાત્મા ગાંધીના વખતથી ભારતીયો રંગભેદ વિરૂધ્ધ સહકાર આપી રહ્યા છે. એટલું જ નહિં દેશની આઝાદી માટે પણ તેમણે ભોગ આપ્યો છે. વર્તમાન સમયમાં પણ અહીં  વસતા ભારતના વતનીઓનું દેશના અર્થતંત્રમાં મહત્વનું પ્રદાન છે. તેમજ ભ્રષ્ટાચાર નાબુદી અભિયાનમાં પણ તેમનો મહત્વનો સહયોગ છે.

ઉલ્લેખનીય છે કે સાઉથ આફ્રિકામાં ૧૪ લાખ જેટલા ભારતીયો વસે છે. જ્યાં તાજેતરમાં યોજાયેલા જહોનિસબર્ગ ખાતેના તામિલ સંઘ આયોજીત કાર્યક્રમમાં પ્રાંત પ્રમુખ ડેવિડ મખુરાએ ભારતીયોની પ્રશંસા કરી હતી.

(9:19 pm IST)