Gujarati News

Gujarati News

News of Friday, 23rd September 2022

અમેરિકાના નેવાર્ક એરપોર્ટ પર વિચિત્ર ઘટના : ફ્લાઇટમાંથી નીકળ્યા તણખા

યુનાઈટેડ એરલાઈન્સની ફ્લાઈટ નેવાર્કથી બ્રાઝિલના સાઓ પાઉલો જઈ રહી હતી

અમેરિકાના નેવાર્ક એરપોર્ટ પર એક ફ્લાઇટ ત્યારે જોખમી બની ગઈ જ્યારે તેની એક વિંગમાંથી તણખા નીકળવા લાગ્યા હતા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. જેમાં પ્લેનમાંથી સળગી ગયેલો કાટમાળ જોવા મળ્યો હતો. આ ફ્લાઇટ યુનાઈટેડ એરલાઈન્સની ફ્લાઈટ હતી, જે નેવાર્કથી બ્રાઝિલના સાઓ પાઉલો જઈ રહી હતી. આ વીડિયો જોયા બાદ સોશિયલ મીડિયા યુઝર્સ ચોંકી ગયા છે.

  એરો એક્સપ્લોરરે વધુમાં જણાવ્યું કે, આ એરક્રાફ્ટ બોઈંગ 777-200ER હતું. આઉટલેટે Flightradar24 ને ટાંકીને કહ્યું કે, આ ફ્લાઇટના દોઢ કલાક પછી નેવાર્ક એરપોર્ટ પર પાછી લેન્ડ થઈ હતી.

  આ ફૂટેજ જોઈને ટ્વિટર યુઝર્સ પોતાનો ગુસ્સો ઠાલવી રહ્યાં છે. એક યુઝરે જણાવ્યું કે કારણ કે કોઈએ તેમનો ફોન એરોપ્લેન મોડ પર નથી રાખ્યો, બીજા યુઝરે લખ્યું - ભયંકર છે પરંતુ પાઈલટનો આભાર કે પ્લેન સુરક્ષિત રીતે લેન્ડ થયું. આ ઘટનાનું કારણ હજુ સુધી જાણી શકાયું નથી. પરંતુ જૂના વિમાનોને લઈને ચિંતા વ્યક્ત કરવામાં આવી રહી છે.

(11:22 pm IST)