Gujarati News

Gujarati News

News of Monday, 23rd September 2019

દેશનો એક પણ પૈસો દેશ બહાર મોકલ્યો નથી : સરકારી ખજાનાને કોઇ નુકસાન થયુ નથી: પી.ચિદંબરમનો દાવો

સીબીઆઇ દ્વારા લગાવેલા તમામ આરોપોને ચિદંબરમે નકાર્યા

નવી દિલ્હી:INX મીડિયા કેસમાં તિહાર જેલમાં બંધ પૂર્વ નાણામંત્રી પી. ચિદંબરમે દિલ્હી હાઇકોર્ટમાં દાવો કર્યો હતો કે, આ કેસમાં કોઇ પણ રોકડ દેશ બહાર મોકલવામાં આવી નથી. આ મામલે સરકારી ખજાનાને કોઇ નુકસાન થયુ નથી.

   આ પહેલા પૂર્વ પીએમ મનમોહન સિંહ અને કોંગ્રેસ અધ્યક્ષ સોનિયા ગાંધીએ  પી. ચિદંબરમની જેલમાં મુલાકાત લીધી હતી.

ચિદંબરમ તરફથી કેસ લડી રહેલા કપિલ સિબ્બલે જણાવ્યું હતું કે, ચિદંબરમે નાણામંત્રીના પદનો ઉપયોગ કરી અંગત લાભ માટે ક્યારેય નથી કર્યો. પોતાની જામીન અરજી પર સીબીઆઇના મંતવ્ય પર જવાબ આપતા તેમણે જણાવ્યું કે, તેમની વિરુદ્ધ પહેલેથી જ આઉટ લૂક નોટિસ જારી કરવામાં આવી છે અને હવે આરોપ યોગ્ય નથી કે તેઓ દેશમાંથી ભાગી જવાના ફિરાકમાં છે અને કાયદાકીય કાર્યવાહીથી બચવાના પ્રયત્ન કરી રહ્યા છે.

આ દરમિયાન તેમણે સીબીઆઇ દ્વારા લગાવેલા આરોપોને ખોટા ઠેરવ્યા હતા. તેમના મુજબ સમગ્ર કેસ રાજકીય ધૃણાના હેતુથી ઉભો કરવામાં આવ્યો હતો.

ઇન્દ્રાણીના નિવેદન પર સ્પષ્ટતા કરતા ચિદંબરમે જણાવ્યું હતું કે, તેઓ ભરોસાપાત્ર નથી, જે ભ્રષ્ટાચારના મામલામાં સરકારી સાક્ષી બની ગયા છે. સીબીઆઇ તેમની અને તેમના પતિ વિરુદ્ધ હત્યાના મામલે તપાસ કરી રહી છે.

(8:46 pm IST)
  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST

  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST

  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST