Gujarati News

Gujarati News

News of Monday, 23rd September 2019

બાંગલાદેશમાં યુવતી લગ્ન કરવા જાન લઈને યુવકના ઘરે ગઈ

પુરુષ અને મહિલાઓ વચ્ચે કરવામાં આવતા ભેદભાવનો અંત આણવા તેમ જ મહિલાઓને સમાન અધિકાર અપાવવાના પ્રયાસના ભાગરૂપ અમે આ રીતે લગ્ન કર્યા હતાઃ એમ દુલ્હાએ કહ્યું હતુ

નવી દિલ્હી, તા.૨૩:બાંગલાદેશમાં ૧૯ વર્ષની એક યુવતી લગ્ન કરવા જાન લઈને યુવકના ઘરે પહોંચી હતી અને ત્યાર બાદ યુવકને પોતાનાં ઘરે લઈ ગઈ હતી. લગ્નનો વીડિયો સોશિયલ મીડિયા પર વાઈરલ થતાં આ રૂઢીચુસ્ત દેશમાં મહિલાઓનાં અધિકાર અંગે ચર્ચા શરૂ થઈ ગઈ હતી. યુવકને પોતાના ઘરે લઈ જતા અગાઉ ખાદીઝા અખ્તર ખુશી શનિવારે સેંકડો મહેમાનો સાથે મહેરપુરના પશ્ચિમ ગ્રામીણ વિસ્તાર સ્થિત યુવક તારીક ઉલ ઈસ્લામના નિવાસસ્થાને પહોંચી હતી. આમ કરીને યુવતીએ લગ્નની પરંપરાને ઉલટાવી હતી.

ખુશીએ કહ્યું હતું કે હા, આ અસામાન્ય બાબત છે, પરંતુ મેં એમ કર્યું જેથી કરીને અન્ય મહિલાઓ મને અનુસરી શકે. ૨૭ વર્ષના ઈસ્લામે કહ્યું હતું કે અમારા આ કૃત્યનો પરિવારજનો અને મિત્રોએ કોઈ વિરોધ નહોતો કર્યો કે નહોતી ટીકા કરી.

પુરુષ અને મહિલાઓ વચ્ચે કરવામાં આવતા ભેદભાવનો અંત આણવા તેમ જ મહિલાઓને સમાન અધિકાર અપાવવાના પ્રયાસના ભાગરૂપ અમે આ રીતે લગ્ન કર્યા હતા, દુલ્હાએ ઈસ્લામે કહ્યું હતું.

મને વિશ્વાસ છે કે અમારા લગ્ન લોકોને એ સંદેશો પહોંચાડશે કે મહિલાઓ પણ પુરુષ કરે તે બધું જ કરી શકે છે, એમ તેણે કહ્યું હતું.

તેમના લગ્નનો વીડિયો ઓનલાઈન વાઈરલ થયો હતો જેને પગલે બાંગલાદેશમાં મહિલાઓનાં અધિકાર અંગે ચર્ચા શરૂ થઈ ગઈ હતી. ૧૬.૮ કરોડની વસતી ધરાવતા મુસ્લિમ બહુમતીવાળા આ દેશમાં (જયાં રૂઢીચુસ્ત મૂલ્યો હજુ પણ મજબૂત રહ્યા છે) આ લગ્નએ મથાળાં બાંધ્યા હતા.

(10:50 am IST)
  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • અમદાવાદના કોબાથી વિસત તરફના રોડ પર પીધેલા કાર ચાલકે અનેકને લીધા અડફેટે : ચારથી પાંચ વાહનો સાથે અકસ્માત કર્યો : પોલીસે કર્યો પીછો: કારચાલકે ભાગવા કર્યો પ્રયાસ : મહિલા પીએસઆઇને પણ ટક્કર મારી : પોલીસે મહા મુસીબતે આખરે તેને પકડી પાડ્યો access_time 1:03 am IST

  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST