Gujarati News

Gujarati News

News of Monday, 23rd September 2019

ચિન્મયાનંદની વધી મુશ્કેલી: અખિલ ભારતીય અખાડા પરિષદે સંત સમુદાયમાંથી હાંકી કાઢ્યા

ચિન્મયાનંદે કુકર્મોને સ્વીકાર્યા છે અને સંત સમુદાય માટે તે શરમજનક

નવી દિલ્હી : જાતિય સતામણીના મામલામાં જેલમાં મોકલવામાં આવેલા ચિન્મયાનંદની મુશ્કેલી  વધતી દેખાઇ રહી છે. હવે સંતોના સર્વોચ્ચ નિર્ણય લેનાર સંગઠન અખિલ ભારતીય અખાડા પરિષદે  ચિન્મયાનંદને સંત સમુદાયથી બહાર કરવાનો નિર્ણય કર્યો છે.

એબીએપીના અધ્યક્ષ મહંત નરેન્દ્ર ગિરિએ  પરિષદની બેઠક બાદ કહ્યું કે ચિન્મયાનંદને સંત સમુદાયથી બહાર કરવાનો નિર્ણય કર્યો છે. એમણે કહ્યું કે, 'અખિલ ભારતીય અખાડા પરિષદની ઔપચારિક બેઠક 10 ઓક્ટોબરે હરિદ્વારમાં થશે અને આ નિર્ણયને મહાગઠબંધનની મંજૂરી મળી જશે'. મહંત નરેન્દ્ર ગિરિએ આગળ જણાવ્યું કે, ચિન્મયાનંદે પોતાના કુકર્મોને સ્વીકાર્યા છે અને સંત સમુદાય માટે તે શરમજનક છે.

   અત્રે ઉલ્લેખનીય છે કે  ચિન્મયાનંદ વર્તમાનમાં મહાનિર્વાણી અખાડાના મહામંડલેશ્વર છે. સંત સમાજથી બહાર થવાની સાથે જ 73 વર્ષીય ચિન્મયાનંદ હવે પોતાનું આ પદ પણ ગુમાવશે. જો તે સંત સમુદાયથી બહાર થઇ જાય છે તો પોતાના નામ આગળ 'સંત' અથવા 'સ્વામી' નહી લગાવી શકે.

(12:00 am IST)
  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • પોરબંદરમાં ભારેબપોરે ધોધમાર અડધાથી પોણો ઇંચ વરસાદ ખાબક્યો : રસ્તાઓમાં નદીઓ વહી : રાણાવાવ અને કુતિયાણામાં વરસાદી ઝાપટા : વાતાવરણમાં ઠંડક પ્રસરી access_time 6:44 pm IST

  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST