Gujarati News

દરેક વ્યક્તિને કોઇને કોઇ એલર્જી હોય છે. કોઇને ધૂળની હોય છે તો કોઇને ધુંમાડાંની હોય છે. પરંતુ, લિન્ડસી કોબ્રે નામની આ યુવતીને વિચિત્ર એલર્જી છે. તે વરસાદમાં, શાવરમાં કે સ્વિમિંગ પૂલમાં સ્નાન કરી શકતી નથી. પાણીના સંપર્કમાં આવતા તેને શ્વાસ ચડે છે, છીંક આવવા લાગે છે. જેથી તેને અલર્જી સામેની દવા તાત્કાલિક લેવી પડે છે. એક હદથી વધારે તે પાણીના સંપર્કમાં રહે તે તેને શારીરિક-માનસિક સમસ્યા થાય છે. તેથી તે દૂધ પીવે છે. એટલું જ નહીં તેને આંખમાંથી આસું પણ પણ એલર્જી છે.

સામાન્ય રીતે લોકો સ્વિમિંગ કરતા હોય છે અને વરસાદમાં પણ ન્હાતા હોય છે. જેના છાટાં કે છાલકથી કોઇ મુશ્કેલી થતી નથી. પરંતુ લિન્ડસી માટે આ કામ સરળ નથી. આવી એલર્જીને કારણે કે સ્વિમિંગ પણ કરતી નથી. જ્યારે જ્યારે તે વરસાદમાં સ્નાન કરે છે ત્યારે તેને પીઠ પર લોહીના ચાઠા પડી જાય છે. જેમાં બળતરા થાય છે. જેને મટાડવા માટે દર વખતે એલર્જીની સામે દવા લેવી પડે છે. જો તે કોઇ પ્રકારની એલર્જી સંબંધી દવા ન લે તો આ ડાઘ વઘતા રહે છે. આંખમાં પણ લોહીના ડાઘ ઊતરી આવે છે. શ્વાસ લેવામાં પણ તકલીફ પડે છે.

જ્યારે જ્યારે તે શાવરમાંથી સ્નાન કરીને નીકળતી ત્યારે તેને એકાએક છીંક ઉપડતી હતી. તેથી સ્નાન કરીને તરત જ તે પોતાનું સમગ્ર શરીર ઝડપથી લૂંછી લે છે. આંખ લાલ થઇ જતી અને નાકમાં ખૂબ બળતરા થાય છે. તેથી તે વરસતા વરસાદથી દૂર રહે છે, ભેજવાળું વાતાવરણ તેને માફક નથી આવતું. લિન્ડસી કહે છે કે, ગરમીભર્યુ વાતાવરણ મારા માટે એક પડકાર સમાન છે. કારણ કે બાહરની ગરમીની સાથોસાથ શરીરની ગરમી પણ હોય છે. શરીરનો પરસેવો પણ તેને એલર્જીક કરે છે. પાણીમાં સ્નાન કર્યા બાદ તેને એકાએક ખુજલી થાય છે. જેની અસર ખાસ કરીને હાથ પર અને પીઠ પર થાય છે.

તે કહે છે કે હું વરસાદમાં સ્નાન કરી શકતી નથી જે મને ખુબ ગમે છે. સ્વિમિંગ પણ કરતી નથી, શાવરબાથ પણ લઇ શકતી નથી. જ્યારે વરસાદની સિઝનમાં જ્યારે વરસાદ સંપૂર્ણ રીતે બંધ થઇ જાય ત્યારે બહાર નીકળું છું. દરરોજ નિયમિત પણ એલર્જીની દવાઓ લઇને તે પોતાની જાને ફીટ સાખે છે. ઘણી વખત થોડા સમય માટે શાવર લઇને તે સંતોષ માની લે છે. એલર્જીને કારણે 70 ટકા શરીરને અસર થાય છે. લોકો અનેક વખત સવાલ કરે છે કે આ તે કેવી એલર્જી?

સામાન્ય રીતે ઘરકામ કરવાથી પણ પરસેવો થાય છે. પણ લિન્ડસીને તો કોઇ પણ પ્રકારના પાણીની એલર્જી છે તેથી દવા લઇને કામ કરવું પડે છે. ક્યારેક દાવ ભૂલાઇ જાય તો 70 ટકા શરીરમાં તેની માઠી અસર થાય છે. નાકમાં બળતાર થાય છે. છેલ્લા બે વર્ષથી તે આ પ્રકારની એલર્જીનો સામનો કરી રહી છે. દવા લઇને તેને દૂરી કરી રહી છે.

જ્યારે શરીરની ચામડી પાણીના સતત સપર્કમાં રહે કે એકાએક સંપર્કમાં આવે ત્યારે આ એક પ્રકારની થતી એલર્જી છે. જેની સીધી અસર વ્યક્તિની ચામડી, આંખ અને પીઠને થાય છે. મોટા ભાગે આવી એલર્જીના ચિહ્ન મહિલાઓમાં વધુ જોવા મળે છે. શરીર પર મોટા પ્રમાણમાં નાના-નાના લાલ રંગના ચાઠા થઇ જાય છે. જેની શરૂઆત સામાન્ય રીતે ડોકના ભાગે અને સ્તનના ભાગે થાય છે. આ એલર્જી સતત રહેતા પછીથી હાથ પર તેની અસર થાય છે પછીથી એમાં ખંજવાળ આવે છે. આ સમગ્ર એલર્જીને એક્વાજેન્ટિક અર્ટિકેરિયા કહે છે. જેની સામે યોગ્ય દવાથી છુટકારો મળી શકે છે.