Gujarati News

નવી દિલ્હી ;દેશમાં નેતાઓ,ફિલ્મ સ્ટાર અને ક્રિકેટરને વીવીઆઈપી ટ્રીટમેન્ટ મળે છે, પરંતુ જાણીને નવાઈ લાગશે કે ભારતમાં એક એવું વૃક્ષ છે જેને પણ વીવીઆઈપી ટ્રીટમેન્ટ મળે છે. આ વૃક્ષ એટલું ખાસ છે કે તેની સુરક્ષામાં ચોવીસ કલાક ગાર્ડ હોય છે. જેથી તેને કોઈ પ્રકારનું નુકસાન ન પહોંચે.

  આ વૃક્ષ મઘ્યપ્રદેશની રાજધાની ભોપાલમાં છે, જેને સૌથી વીવીઆઈપી વૃક્ષ માનવામાં આવે છે. આ બોધિ વૃક્ષ 15 ફૂટ ઊંચું છે, જેને એક ટેકરી પર બનાવાયું છે. તેની સિક્યોરિટી ચારથી પાંચ ગાર્ડ્સ મળીને કરે છે. વૃક્ષ બચાવવા માટે કૃષિ વિભાગના અધિકારીઓ દર અઠવાડિયે અહીં મુલાકાત લે છે. તેની દેખરેખમાં દર મહિને લાખો રૂપિયાનો ખર્ચ આવે છે.

  આ એક બોધિ વૃક્ષ છે જે 100 એકરની સલામતપુરની પહાડીમાં રોપવામાં આવ્યું હતું. વર્ષ 2012માં 21 સપ્ટેમ્બરે શ્રીલંકાના પૂર્વ રાષ્ટ્રપતિ મહિંદ્રા રાજપક્ષે આ બોધિ વૃક્ષને અહીં લગાવ્યું હતું. આ વીવીઆઈપી વૃક્ષ લોખંડની લગભગ 15 ફૂટ ઉંચી જાળીની અંદર દરેક સમયે હોમગાર્ડ્સની નજર હેઠળ રહે છે. તમને જણાવી દઈએ કે બૌદ્ધ ધર્મના અનુયાયિયો માટે બોધિ વૃક્ષનું ખાસ મહત્વ છે. બૌદ્ધ ધર્મગુરુના કહેવા મુજબ બોધગયામાં ભગવાન બુદ્ધે આ વૃક્ષની નીચે જ્ઞાન પ્રાપ્તિ કરી હતી.

  જાણકારી મુજબ આ વીવીઆઈપી વૃક્ષના મેઈન્ટેનન્સમાં દર વર્ષ લગભગ 12-15 લાખ રૂપિયા ખર્ચ થાય છે. આ વૃક્ષની દેખરેખ કરતા એક સુરક્ષા ગાર્ડે જણાવ્યું કે વર્ષ 2012માં આ વૃક્ષ અહીં રોપવામાં આવ્યું હતું. પહેલા આ બોધિ વૃક્ષને જોવા માટે ઘણાબધા લોકો આવતા હતા, જોકે હવે લોકોની સંખ્યામાં થોડો ઘટાડો થયો છે.

  વૃક્ષ માટે પાણીની કોઈ અછl ન થાય તેનું ખાસ ધ્યાન રાખવામાં આવે છે. સમગ્ર ક્ષેત્ર બૌદ્ઘ યુનિવર્સિટી માટે આપવામાં આવ્યો છે. સમગ્ર ક્ષેત્ર બૌદ્ધિસ્ટ સર્કિટ તરીકે વિકસિત કરાઈ રહ્યું છે. પરંતુ હેરાન કરનારી વાત એ છે કે યુનિવર્સિટીના નામ પર આ વૃક્ષને રોપવામાં આવ્યું હતું, તે યુનિવર્સિટીની બાઉન્ડ્રી પાછલા 5 વર્ષથી તૂટી ગઈ છે. જેને બનાવવા માટે સરકાર પાસે ફંડ નથી. આ વૃક્ષનું એક પાંદડું પણ સૂકાઈ જાય તો સરકાર દોડતી થઈ જાય છે. વૃક્ષ સુધી પહોંચવા માટ ભોપાલ-વિદિશા હાઈવેથી પહાડ સુધી પાકો રસ્તો પણ બનાવાયો છે.