Gujarati News

કોલકત્તા તા. ર૩ :.. પશ્ચિમ બંગાળના હુગલીમાં એક છોકરીએ તેની જ માને ગોળી મારી હોવાનો સનસનીખેજ મામલો સામે આવ્યો છે. જો કે પોલીસને મળેલી માહિતી મુજબ આ તેની જ મમ્મીની બેદરકારી હતી. વાત એમ હતી કે કાકોલી જાના નામની મહિલાને તેના ઘરની બહારના એક ગાર્ડનમાંથી એક પિસ્તોલ મળી. એ પ્લાસ્ટિકની નકલી ગન હશે એમ માનીને તેણે ઘરમાં રમી રહેલી પોતાની દીકરીને રમવા આપી. બીજી તરફ મા કામે વળગી અને દિકરી પિસ્તોલથી રમતી હતી. પિસ્તોલ આમ તેમ  ઘુમાવતાં અચાનક એમાંથી ગોળી છૂટી અને થોડેક દૂર પીઠ ફેરવીને કામ કરી રહેલી તેની મમ્મીની પીઠમાં જઇ ઘુસી. તરત જ મહીલાને હોસ્પિટલમાં લઇ જવામાં આવી જયાં તેની હાલત હજી નાજૂક છે. પોલીસ હવે એ શોધી રહી છે કે આ પિસ્તોલ કોની છે અને ગાર્ડનમાં આવી કેવી રીતે ?