Gujarati News

વોશિંગ્ટન તા. ૨૩: અમેરિકામાં ગેરકાયદેસર પ્રવેશ માટે પકડાયેલા ૧૦૦ ભારતીયોને જયાં અટકાયતમાં રાખવામાં આવ્યા છે એ ન્યુ મેકિસકો અને ઓરેગોનના ડિટેન્શન સેન્ટર્સનો સંપર્ક કરવામાં ભારતના રાજદૂતાલયને સફળતા મળી છે. એ ૧૦૦ જણમાં મોટા ભાગના પંજાબીઓ છે. ડિટેન્શન સેન્ટરમાં રાખવામાં આવેલા કેટલાક ભારતીયોએ સ્વદેશમાં 'હિંસા અને અત્યાચાર' સહન કરવા પડતાં હોવાનું કહની અમેરિકામાં શરણાગતિની માંગણી કરી છે.

એ અટકાયતીઓમાંથી કેટલાક હ્યુમન ટ્રાફિકર્સને વ્યકિતદીઠ ૩૫ લાખથી ૫૦ લાખ રૂપિયા ચૂકવીને દક્ષિણ તરફથી સરહદથી અમેરિકામાં ગેરકાયદેસર પ્રવેશ કર્યો ત્યારે પકડાઇ ગયા હતા. હ્યુમન ટ્રાફિકર્સ પંજાબના રાજકારણીઓ અને અધિકારીઓ સાથે સાઠગાંઠ ધરાવતા હોવાનું કહેવાય છે.