Gujarati News

Gujarati News

News of Saturday, 23rd May 2020

હવે સ્પેશ્યલ એસી ટ્રેનોમાં ૭ દિવસને બદલે ૩૦ દિવસ પહેલા કરી શકશો બુકીંગ

નવી દિલ્હી, તા., ર૩: કોરોના સંકટને કારણે લોકડાઉનમાં ફસાયેલા પ્રવાસીઓ માટે રેલ્વેએ રાહતના સમાચાર આપ્યા છે. ભારતીય રેલ્વે દ્વારા રાજધાની એકસપ્રેસના ૧પ રૂટો ઉપર ચલાવવામાં આવતી વિશેષ ટ્રેનોમાં ૭ દિવસને બદલે ૩૦ દિવસ પહેલા એડવાન્સ બુકીંગ કરાવી શકવાની સવલત ઉપલબ્ધ બનાવી છે. આ ટ્રેનોની ટીકીટ આઇઆરસીટીસીની વેબસાઇટ ઉપરાંત ટીકીટ કાઉન્ટરો પર ઉપલબ્ધ બનશે.આ ટ્રેનોનું ટીકીટ બુકીંગ હવે કોમ્પ્યુટરાઇઝડ પીઆરએસ કેન્દ્રો, ડાકઘરો, યાત્રી ટીકીટ સુવિધા કેન્દ્રોની સાથે આઇઆરસીટીસીના માન્ય એજન્ટો અને સામાન્ય સેવા કેન્દ્રોમાંથી પણ થઇ શકશે.

રેલ્વે મંત્રાલયના કાર્યકારી નિર્દેશક રાજેશ દત્ત વાજપેઇએ કહયું કે ૧ર મેથી દોડનારી ૧પ જોડી વિશેષ ટ્રેનોમાં બુકીંગની સુવિધા વધારવામાં આવી છે. તેમણે કહયું કે વર્તમાનમાં આ ટ્રેનોમાં આરએસસી અથવા  વેઇટીંગ  ટીકીટ ઇસ્યુ કરવામાં આવેલ છે.  એડવાન્સ બુકીંગની સુવિધા હમણા સુધી ૭ દિવસ હતી તે વધારીને ૩૦ દિવસ કરવામાં આવી છે. જો કે આ ટ્રેનોમાં તત્કાલીન બુકીંગ નહી કરાવી શકાય. સુત્રોએ જણાવ્યું કે આરએસી-વેઇટીંગ ટીકીટ મુસાફરોને આપવામાં આવશે. પરંતુ જો કન્ફર્મ નહિ હોય તો વેઇટીંગ઼ ટીકીટ સાથે  તેઓ મુસાફરી કરી નહી શકે. રેલ્વેના જણાવ્યા મુજબ પહેલા અને બીજા ચાર્ટ વચ્ચે કરંટ બુકીંગની સુવિધા ઉપલબ્ધ રહેશે. ૩૧ મેથી શરૂ થતી યાત્રા ઉપર આ સુવિધા લાગુ થશે. આ ૧પ જોડી ટ્રેન સંપુર્ણ પણે એરકંડીશન્ડ છે અને તેમનું પરીચાલન ૧ર મી મેથી શરૂ થશે.

(3:27 pm IST)
  • ભારતમાં કોરોનાએ ફૂફાડો ફેલાવ્યો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6523 કેસ વધ્યા : રાત્રે 12 વાગ્યા સુધીમાં દેશમાં કોરોનાના 1,24,747 કેસ નોંધાયા : 69,207 એક્ટિવ કેસ : 51,807 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3726 થયો :મહારાષ્ટ્રમાં સૌથી વધુ નવા 2940 કેસ અને તામિલનાડુમાં 786 કેસ વધ્યા :દિલ્હીમાં 660 નવા કેસ નોંધાયા access_time 12:45 am IST

  • ભારે વરસાદ માટે પણ અપાયેલ તાકિદઃ આવતીકાલે પશ્ચિમ બંગાળ, સિકકીમ, આસામ, મેઘાલય અને અરૂણાચલ પ્રદેશમાં ભારે વરસાદની હવામાન તંત્રે આગાહી કરી છે access_time 10:27 am IST

  • ઉત્તરાખંડના ૧૩માંથી ૧૦ જીલ્લા કોરોનાની હડફેટેઃ પિથૌરાગઢ- રૂદ્રપ્રયાગ-ચંપાવત એ ૩ જીલ્લા ઉપર હવે નજર ન લાગે તો સારૃં: પ્રવાસીઓ બીજા રાજયોમાંથી સતત પાછા ફરી રહયા હોય આ ત્રણ જીલ્લામાં પણ કોરોના ટકોરો કયારે મારશે તે કહી શકાય નહિ access_time 10:29 am IST