Gujarati News

Gujarati News

News of Saturday, 23rd May 2020

લોકડાઉનના ૬૦ દિવસ બાદ પણ કેસમાં વધારો ચિંતાજનક

લોકડાઉનના ચોથા તબક્કામાં છૂટછાટો અપાતા કેસ ઝડપથી વધી રહ્યા છે : ૨૪ કલાકમાં ૬૦૮૮ દર્દીઓ વધ્યાઃ કોરોનાની તપાસમાં પણ વૃધ્ધિ : રોજ ૧ લાખથી વધુ નમૂનાની તપાસ થઇ રહી છે : પોઝિટિવ થવાનો દર ૪ ટકાથી વધી ૫.૬ ટકા થયો

નવી દિલ્હી તા. ૨૩ : લોકડાઉનના ચોથા તબક્કામાં આર્થિક ગતિવિધિઓ શરૂ થતાં જ કોરોના સંક્રમણમાં વધારો જોવા મળ્યો છે. લોકડાઉનના ૬૦ દિવસ પછી પણ કોરોના કેસોમાં સતત વધારો ચિંતાનું કારણ બની ગયો છે. ગઇકાલે રેકોર્ડ ૬૦૮૮ કેસો નવા આવ્યા હતા.

તો બીજી તરફ કોરોના ટેસ્ટીંગમાં પણ તેજી આવી છે અને રોજ એક લાખથી પણ વધારે સેમ્પલોની તપાસ થઇ રહી છે. છેલ્લા બે દિવસના આંકડા જોઇએ તો તપાસવામાં આવેલ સેમ્પલોના પોઝીટીવ હોવાનો દર ૫.૬ સુધી પહોંચી ગયો છે જે પહેલા લગભગ ચાર ટકાની આજુબાજુ સ્થિર હતો. આ પહેલી વાર છે કે એક દિવસમાં ૬ હજારથી વધારે નવા કેસ આવ્યા છે. દુનિયામાં એક દિવસમાં તે ચોથા નંબરનો ઉછાળો છે. આ પહેલા અમેરિકામાં એક દિવસમાં ૨૮૧૭૯, બ્રાઝીલમાં ૧૭૫૬૪ અને રશિયામાં ૮૮૪૯ નવા કેસ આવી ચૂકયા છે. ભારતમાં છ હજાર ઉપરનો આંકડો પહેલીવાર આવ્યો છે.

આઇસીએમઆર દ્વારા જાહેર કરાયેલ આંકડાઓ અનુસાર છેલ્લા બે દિવસો દરમિયાન કુલ ૨,૦૭,૦૪૬ ટેસ્ટ થયા હતા. તેમાંથી પોઝિટિવ મળેલા દર્દીઓની સંખ્યા ૧૧,૬૯૭ છે. તેમાંથી ૬૦૮૮ શુક્રવારે અને ૫૬૦૯ ગુરૂવારે મળ્યા હતા. આમ બે દિવસ દરમિયાન સેમ્પલ પોઝિટિવ હોવાનો દર જોવામાં આવે તો તે વધીને ૫.૬ ટકાએ પહોંચ્યો છે.

આરોગ્ય મંત્રાલય અને આઇસીએમઆરે ઘણી વખત કહ્યું હતું કે, સંક્રમણ દર સ્થિર થઇ ગયો છે. પણ આ દાવો ખોટો પડતો દેખાઇ રહ્યો છે. જો કે સંક્રમણનો ડબલીંગ રેટ ત્રણ દિવસથી વધીને ૧૪ દિવસ થયો છે જે સારી બાબત છે. સાથે જ સાજા થનારા દર્દીઓની ટકાવારી પણ સાતથી વધીને ૪૦ પર પહોંચી છે. મૃત્યુ દર પણ ત્રણ ટકાએ નિયંત્રણમાં રહી શકયો છે.

(10:47 am IST)
  • રાજકોટમાં આજે લેવાયેલ 53 રિપોર્ટ માંથી 49 નેગેટિવ અને 4 પોઝિટિવ આવ્યા છે બે જિલ્લા ના અને બે રાજકોટ શહેરના છે access_time 7:52 pm IST

  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST

  • અમદાવાદમાં ઇસનપુર પોલીસ મથકના PSI કે.એમ.ચાવડાનો કોરોના રીપોર્ટ પોઝેટીવ: PSI ચાવડાના સંપર્કમાં આવેલા ડી-સ્ટાફના જવાનોને પણ કોરોન્ટાઇન કરાયા.. access_time 11:52 pm IST