Gujarati News

Gujarati News

News of Saturday, 23rd May 2020

અનિલ અંબાણી ચીનની ત્રણ બેંકોને ૭૧.૭ કરોડ ડોલર ચૂકવેઃ બ્રિટિશ કોર્ટનો આદેશ

ચીનની ત્રણ બેંકોએ બ્રિટનની કોર્ટમાં અનિલ અંબાણીની રિલાયન્સ ગ્રૃપ કંપનીને ૨૦૧૨માં આપેલી લોનની બાકી રકમ ચૂકવવાની અરજી કરી હતી

લંડન, તા.૨૩: બ્રિટિશ કોર્ટે ઉદ્યોગપતિ અનિલ અંબાણીને ૭૧.૭ કરોડ ડોલરની રકમ ચીનની ત્રણ બેંકોનો ચૂકવે એવો આદેશ કર્યો હતો. ચીનની ત્રણ બેંકોએ પર્સનલ ગેરેન્ટી પરથી ૨૦૧૨માં લીધેલી લોનની બાકી રકમ ચૂકવવા માટે બ્રિટનની કોર્ટમાં અરજી કરી હતી. ચુકાદો બેંકોની તરફેણમાં આવ્યો હતો.

ચીનની ત્રણ બેંકોએ બ્રિટિશ કોર્ટમાં કેસ કર્યો હતો કે એનું અનિલ અંબાણી પર ૭.૭૧ કરોડ ડોલરનું કરજ છે. ૨૦૧૨માં અનિલ અંબાણીની રિલાયન્સ ગ્રૃપ કંપનીને આપેલી લોનમાંથી આટલી રકમ બાકી નીકળતી હોવાનો દાવો ત્રણ ચીની બેંકોએ કર્યો હતો. ત્રણેય બેંકોએ કુલ ૧૦ કરોડ ડોલરની રકમ માટે અરજી કરી હતી.

તે અરજીના સંદર્ભમાં કોર્ટે અનિલ અંબાણીને ૨૧ દિવસમાં ૭.૭૧ કરોડ ડોલરની રકમ ચૂકવવાનો આદેશ કર્યો હતો. સાથે સાથે ૧૦ કરોડ ડોલરની રકમની કુલ અમાઉન્ટનો કેસ ૨૦૨૧માં ચલાવવાનો સંકેત પણ આપ્યો હતો. અગાઉ કોર્ટે અનિલ અંબાણીની કંપનીએ રજૂ કરેલા પુરાવા બાબતે ટીકા કરી હતી. અનિલ અંબાણીએ આવક મુદ્દે રજૂ કરેલા દસ્તાવેજો માન્ય રાખ્યા ન હતા અને ટ્રાન્સપરન્સી જળવાઈ ન હોવાની ટકોર કરી હતી. કંપનીઓએ પર્સનલ ગેરેન્ટીનું અનિલ અંબાણીએ ઉલ્લંઘન કર્યુ હોવાની દલીલ રજૂ કરી હતી.(૨૩.૪)

(9:43 am IST)
  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST

  • ભારતમાં કોરોનાએ ફૂફાડો ફેલાવ્યો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6523 કેસ વધ્યા : રાત્રે 12 વાગ્યા સુધીમાં દેશમાં કોરોનાના 1,24,747 કેસ નોંધાયા : 69,207 એક્ટિવ કેસ : 51,807 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3726 થયો :મહારાષ્ટ્રમાં સૌથી વધુ નવા 2940 કેસ અને તામિલનાડુમાં 786 કેસ વધ્યા :દિલ્હીમાં 660 નવા કેસ નોંધાયા access_time 12:45 am IST

  • ભારે વરસાદ માટે પણ અપાયેલ તાકિદઃ આવતીકાલે પશ્ચિમ બંગાળ, સિકકીમ, આસામ, મેઘાલય અને અરૂણાચલ પ્રદેશમાં ભારે વરસાદની હવામાન તંત્રે આગાહી કરી છે access_time 10:27 am IST