Gujarati News

Gujarati News

News of Friday, 22nd May 2020

કોરોના મુક્ત સિક્કિમમાં 15 જૂનથી શાળા કોલેજ ખુલશે : રાજ્ય સરકારે ગાઈડ લાઈન જાહેર કરી

હાલમાં માત્ર નવથી બાર ધોરણ સુધીના વર્ગો અને કોલેજો શરુ થશે

નવી દિલ્હી : સિક્કિમ સરકારે શરુઆતથી યોગ્ય પગલા અને અપનાવેલી રણનીતિને કારણે ચીન સરહદે આવેલું હોવા છતા કોરોનાને પ્રવેશવા દીધો નથી. જેથી આખા દેશમાં લોકડાઉનના કારણે શાળા કોલેજ બંધ છે, ત્યારે સિક્કિમમાં 15 જૂનથી શાળા અને કોલેજ ખુલવા જઇ રહ્યા છે. સિક્કિમ સરકારે 15 જૂનથી શાળા અને કોલેજ ફરીથી શરુ કરવાની જાહેરાત કરી છે. સિક્કિમના શિક્ષા મંત્રી કુંગા નીમા લેપચાએ જણાવ્યું કે નિર્ણય ઉચ્ચ શિક્ષણ અને બોર્ડની પરીક્ષાના મહત્વને ધ્યાને લઇને લેવામાં આવ્યો છે.

સરકારે માટેના દિશા નિર્દેશ જાહેર કર્યા છે. સરકારે હાલ માત્ર નવથી બાર ધોરણ સુધીના વર્ગો અને કોલેજો શરુ કરવાનો નિર્ણય કર્યો છે. બાકી નર્સરીથી આઠમા ધોરણના વિદ્યાર્થીઓ માટે શાળા ખુલશે નહીં. તેમને ઘરેથી ઓનલાઅન ક્લાસ દ્વારા ભણાવવામાં આવશે. સરકારે ગાઇડલાઇન બહાર પાડતા જણાવ્યું કે શાળાઓ તો ખુલશે પરંતુ ત્યાં દૈનિક પ્રાર્થનાસભાનું આયોજન કરવામાં આવશે નહીં. વાર્ષિક પરીક્ષાઓ ફેબ્રુઆરી 2021 સુધી સ્થગિત કરવામાં આવી છે.

ઉપરાંત હવેથી દર શનિવારે પણ શાળા શરુ રહેશે. દરમિયાન સોશિયલ ડિસ્ટન્સિંગ અને અન્ય ગાઇડલાઇનું પાલન કરવું પડશે. સિક્કિમ સરકારે જણાવ્યું કે શિક્ષણ ઘણુ મહત્વનું છે, પત્ની સાથએ કોઇ પણ સંજોગોમાં લાંબી છેડછાડ ના કરી શકાય. દિવસમાં બે પાળીઓમાં શાળા અને કોલેજ શરુ થશે, જેથી સોશિયલ ડિસ્ટન્સિંગ જાળવી શકાય.

(12:21 am IST)
  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST

  • દાદરા નગર હવેલીના સેલવાસમાં કોરોના પોઝિટિવ કેસ :મુંબઈથી સેલવાસ આવેલ એક પરિવારની ત્રણ મહિનાની બાળકીનો કોરોના રિપોર્ટ પોઝિટિવ :સેલવાસ આરોગ્ય વિભાગે માતા અને બાળકી બંનેને અલગ અલગ આઇસોલેટ કર્યા :સંક્રમણ ફેલાતું અટકવવા તંત્રની કામગીરી access_time 9:46 pm IST

  • અમરેલી લોકડાઉનમાં ખેડૂતોએ અપનાવ્યો નવતર પ્રયોગ: કોરોનાથી અને કાળજાળ ગરમીથી બચવા અભરામ પરાના ખેડૂતે બનાવ્યો 15 ફૂટ ઊંચો માચડો :કોરોના અને કાળ જાળ ગરમીથી બચવાનો કમલ નસિતનો નવતર પ્રયોગ access_time 10:24 pm IST