Gujarati News

Gujarati News

News of Friday, 23rd April 2021

મહારાષ્ટ્રમાં કોરોનાનો હાહાકાર : 24 કલાકમાં 773 લોકોના મોત: નવા 66936 પોઝિટિવ કેસ

રાજ્યમાં ઓક્સિજન સંકટની સાથે વેક્સિનેશનની પણ મુશ્કેલી: મુંબઈમાં લગભગ 54 વેક્સીનેશન સેન્ટર્સ બંધ : મુંબઈમાં કોરોનાના 7221 નવા કેસ અને 72 લોકોના મોત

મહારાષ્ટ્રમાં કોરોના સંકટ વધારે ખતરનાક થઈ રહ્યો છે. મહારાષ્ટ્ર હજું પણ દેશમાં સૌથી પ્રભાવિત પ્રદેશ બનેલો છે. પ્રતિદિવસ હજારો નવા કેસ સામે આવી રહ્યાં છે. મહારાષ્ટ્રમાં પાછલા 24 કલાકમાં 66, 836 નવા કેસ સામે આવ્યા. 74,045 રિકવર થયા અને 773 લોકોના મોત થયા. મહારાષ્ટ્રમાં હવે એક્ટિવ કેસ 6,91,851 છે, અત્યાર કુલ કોરોના કેસ 41,61,676 થઈ ગયા છે. અત્યાર સુધી 63,252 લોકોના જીવ જઈ ચૂક્યા છે

આ વચ્ચે રાજ્યમાં ઓક્સિજન સંકટની સાથે-સાથે વેક્સિનેશનની પણ મુશ્કેલીઓ સામે આવી રહી છે. મુંબઈમાં શુક્રવારે લગભગ 54 વેક્સીનેશન સેન્ટર્સ બંધ રહેશે, કેમ કે તેમના પાસે વેક્સિન નથી. જ્યારે મુંબઈમાં શુક્રવારે કોરોનાના 7221 નવા કેસ સામે આવ્યા અને 72 લોકોના મોત થઈ ગયા.

મુંબઈમાં હાલમાં કુલ 132 વેક્સિનેશ સેન્ટર્સ છે, જેમાં 73 પ્રાઈવેટ હોસ્પિટલોમાં છે. મુંબઈમાં લાંબા સમયથી વેક્સિનની અછત થઈ રહી છે. મુંબઈને 20 એપ્રિલે એક લાખ વેક્સિનના ડોઝ મળ્યા હતા, પરંતુ શહેરમાં પ્રતિદિવસ 50 હજારથી વધારે વેક્સિનની ડોઝ લગાવવામાં આવી રહી છે.

(11:11 pm IST)
  • કેન્દ્રીય ગૃહમંત્રી અમિતભાઈ શાહ આવતી કાલે શનિવાર 24 મી એપ્રિલે સવારે 10.15 વાગ્યે ગાંધીનગર સંસદીય મત વિસ્તારમાં કોલવડાની ડેઝીગ્નેટેડ કોવિડ હોસ્પિટલ ખાતે 300 લીટર પ્રતિ મિનિટની ક્ષમતા ધરાવતા પી.એસ એ ઓકસીજન પ્લાન્ટનું ઉદઘાટન કરશે. મુખ્યમંત્રી વિજયભાઈ રૂપાણી તેમજ નાયબ મુખ્ય મંત્રી નીતિનભાઈ પટેલ પણ આ તકે ઉપસ્થિત રહેશે. access_time 11:08 pm IST

  • કેન્દ્રીય ગૃહમંત્રી અમિતભાઇ શાહ અમદાવાદના GMDC ગ્રાઉન્ડ ખાતે ડીઆરડીઓની ધનવંતરી COVID19 હોસ્પિટલનું નિરીક્ષણ કરવા અમદાવાદ આવ્યા છે અને તેમની સાથે મુખ્યમંત્રી રૂપાણી પણ ઉપસ્થિત હતા. access_time 5:40 pm IST

  • દિલ્હીમાં ઓક્સિજન પ્લાન્ટ નથી તો શું દિલ્હીના લોકોને ઓક્સિજન નહીં મળે ? : મુખ્ય મંત્રીઓ સાથેની મિટિંગમાં કેજરીવાલનો વડાપ્રધાનને વેધક સવાલ : દિલ્હીમાં આવી રહેલા ઓક્સિજન ટેન્કર અધવચ્ચે રોકાઈ જાય છે : આ માટે મારે કોની સાથે વાત કરવાની છે તે જણાવો : દેશમાં વધી રહેલી ઓક્સિજનની તંગીને ધ્યાને લઇ ઓક્સિજન પ્લાન્ટ સૈન્યને સોંપી દેવા અનુરોધ કર્યો access_time 1:12 pm IST