Gujarati News

Gujarati News

News of Friday, 23rd April 2021

દેશને રેમડેસિવિર-ઓક્સિજન સપ્લાયમાં મદદ માટે ઓફર

કોરોનાની વણસતી સ્થિતિ, રશિયા-ચીનની ઓફર : લદાખને લઈ ચાલી રહેલા તણાવ વચ્ચે ચીને પણ ભારતને કોરોના સામે લડવામાં મદદ કરવા માટેની તૈયારી દર્શાવી

મોસ્કો/બેઈજિંગ, તા. ૨૩ : ભારતમાં કોરોના વાયરસ મહામારી સતત ભયાનક રૂપ લેતી જઈ રહી છે. છેલ્લા ૨૪ કલાકમાં દેશમાં રેકોર્ડ ૩,૩૨,૭૩૦ નવા કેસ નોંધાયા છે. દેશમાં આરોગ્ય સેવાઓ ઉપર દબાણ એટલું વધી ગયું છે કે, મોટાભાગની હોસ્પિટલો હવે નવા દર્દીઓની ભરતી પણ નથી કરતી. આરોગ્ય મંત્રાલય મુજબ, હાલમાં દેશમાં એક્ટિવ કેસોની કુલ સંખ્યા ૨૪ લાખથી પણ વધારે છે. ભારતમાં સતતખરાબ થઈ રહેલી સ્થિતિવચ્ચે દુનિયાભરના ઘણા દેશોએ ભારતની મદદ માટે હાથ લંબાવ્યો છે.

રશિયાએ ભારતને રેમડેસિવિર અને ઓક્સિજન સપ્લાયની ઓફર આપી છે. લદાખને લઈને ચાલી રહેલા તણાવ વચ્ચે ચીને પણ ભારતને કોરોના સામે લડવામાં મદદ કરવાની તૈયારી દર્શાવી છે. જોકે, ભારત તરફથી હજુ કોઈપણ દેશને મદદ માટે ઔપચારિક રીતે સંમતિ નથી અપાઈ. ફ્રાન્સના પ્રેસિડન્ટ ઈમેનુઅલ મેક્રોંએ કોરોના સામે ઝઝૂમી રહેલા ભારતીયો પ્રત્યે એકજૂથ હોવાનો સંદેશ આપ્યો છે અને મદદ કરવાની વાત કરી છે. અમેરિકાના ઘણા સાંસદોએ પણ ભારત પ્રત્યે સંવેદના વ્યક્ત કરી છે. ભારતમાં કોરોના સંક્રમિત દર્દીઓની સારવારમાં ઓક્સિજનની અછતને જોતા રશિયાએ મેડિકલ ઓક્સિજન અને રેમડેસિવિર ઈન્જેક્શન પૂરા પાડવાની તૈયારી દર્શાવી છે. જણાવાયા મુજબ આગામી ૧૫ દિવસમાં રશિયા તેની નિકાસ પણ શરૂ કરી શકે છે. ઘણા શહેરોમાં એન્ટી વાયરલ દવા રેમડેસિવિરની અછત જોવા મળી રહી છે. મોસ્કોએ કહ્યું કે, તે પ્રતિ સપ્તાહ ૩થી ૪ લાખ રેમડેસિવિર ઈન્જેક્શનની આપૂર્તિ કરી શકે છે, જેની સંખ્યા વધારી પણ શકાય છે. ટૂંક સમયમાં ઓક્સિજનની આપૂર્તિ પણ શરૂ કરી દેવાશે. લદાખમાં એલએસી પર સરહદ વિવાદ વચ્ચે ચીને ગુરુવારે ભારતને જરૂરી સમર્થન અને મદદ કરવાની વાત કરી. ભારતમાં કોરોના સંક્રમણના વધતા કેસો અંગે પૂછાયેલા સવાલના જવાબમાં વિદેશ મંત્રાલયના પ્રવક્તા વાંગ બેનબિને કહ્યું કે, કોવિડ-૧૯ મહામારી સમગ્ર માનવતા માટે દુશ્મન છે, જેનો સામનો કરવા માટે આંતરાષ્ટ્રીય એકજૂથતા અને પારસ્પરિક મદદની જરૂર છે. તેમણે કહ્યું કે, ચીને ભારતમાં તાજેતરમાં જ બગડેલી સ્થિતિ અને મહામારી સામે સારવાર આપૂર્તિની અસ્થાયી અછત ધ્યાનમાં લીધી છે. મહામારીને કાબુમાં કરવા માટે ચીન ભારતને શક્ય તમામ મદદ કરશે. ફ્રાન્સના પ્રેસિડન્ટ ઈમેનુઅલ મેક્રોંએ ભારતમાં કોરોનાના કહેરને લઈને સંવેદના વ્યક્ત કરતા મદદની રજૂઆત કરી. તેમણે પોતાના સંદેશમાં કહ્યું કે, હું કોવિડ-૧૯ સામે ઝઝૂમી રહેલા ભારતીય લોકોને એકજૂથતાનો સંદેશ આપવા ઈચ્છું છું. ફ્રાન્સ આ સંઘર્ષમાં તમારી સાથે છે. અમે દરેક પ્રકારની મદદ કરવા માટે તૈયાર છીએ.

ઈઝરાયલે પણ કોરોનાથી પીડિત ભારત પ્રત્યે ઊંડી સંવેદના વ્યક્ત કરી છે. ઈઝરાયલના સત્તાવાર ટ્વિટર હેન્ડલ ના ટ્વીટમાં કહેવાયું કે, અમે કોરોના સામે અમારા સારા મિત્ર ભારતની સાથે ઊભા છીએ. આ સંક્રમણ રૂપી ટનલના છેડે પ્રકાશ છે. ત્યાં સુધી માસ્ક પહેરો અને સુરક્ષિત રહો.

અમેરિકા મેસાચુસેટ્સથી ડેમોક્રેટિક પાર્ટીના સાંસદ સીનેટર એડ માર્કેએ બાઈડન વહીવટીતંત્રને ભારતની તાત્કાલિક મદદ કરવા અપીલ કરી. એડ માર્કેએ કહ્યું કે, અમેરિકાના બધા લોકો માટે જરૂરી વેક્સીનથી પણ વધુ માત્ર છે, પરંતુ આપણે ભારત જેવા દેશોને મદદ કરવાનો ઈનકાર કરી રહ્યા છીએ. તેમણે જો બાઈડનને અપીલ કરતા કહ્યું કે, આપણી પાસે મદદ માટે સંશાધન છે અને અન્ય લોકોને તેની જરૂરી છે, એવું કરવું આપણી નૈતિક જવાબદારી બને છે. મિશિગનથી ડેમોક્રેટિક પાર્ટીના યુએસ કોંગ્રેસ પ્રતિનિધિ હેલી સ્ટીવન્સે ટ્વીટ કરી ભારતમાં વધતા કોરોનાના કેસો પર દુઃખ વ્યક્ત કર્યું.

(7:55 pm IST)
  • સૌરાષ્ટ્ર યુનિવર્સિટીની તા. 6 મેં થી યોજાનાર તમામ પરીક્ષાઓ મોકૂફ રખાઈ : પરીક્ષાની નવી તારીખ હવે પછી જાહેર કરાશે access_time 5:55 pm IST

  • આવી રીતે ઉદ્ધતાઇથી વાત કરશો તો બે થપ્પડ પડી જશે : કોરોના સંક્રમિત માતા માટે ઓક્સિજન સિલિન્ડરની માંગણી કરી રહેલા શખ્સને કેન્દ્રીય મંત્રી પ્રહલાદ પટેલનો જવાબ : વિડિઓ વાઇરલ access_time 12:53 pm IST

  • ગૃહમંત્રી અમિત શાહની અમદાવાદ મુલાકાત દરમ્યાન મોટી જાહેરાત : તાત્કાલિક ધોરણે ગાંધીનગરમાં બનશે નવી 1200 બેડની કોવિડ હોસ્પિટલ : કોરોના દર્દીઓ ને સારવાર મળે તે માટે ટોલ ફ્રી નંબર પણ ૨ દિવસ માં શરૂ થશે. access_time 7:50 pm IST