Gujarati News

Gujarati News

News of Tuesday, 23rd April 2019

ત્રીજા ચરણ : મતદાનની સાથે

વડાપ્રધાન નરેન્દ્ર મોદી, અમિત શાહ, અ લાલકૃષ્ણ અડવાણી, અરૂણ જેટલી દ્વારા મતદાન કરાયુ

નવી દિલ્હી, તા. ૨૩ : ૧૨ રાજ્યો અને બે કેન્દ્રશાસિત પ્રદેશોને આવરી લેતી લોકસભાની ૧૧૬ બેઠકો પર ત્રીજા તબક્કાની ચૂંટણી  માટે આજે શાંતિપૂર્ણ માહોલમાં મતદાન પૂર્ણ થયું હતું. આની સાથે જ હવે ૩૦૨ સીટ પર લોકસભાની ચૂંટણી માટેની પ્રક્રિયા પૂર્ણ થઇ ચુકી છે. આજે ત્રીજા તબક્કામાં મતદાન પૂર્ણ થતાંની સાથે જ કોંગ્રેસ પ્રમુખ રાહુલ ગાંધી, ભાજપ પ્રમુખ અમિત શાહ સહિત ૧૬૧૨ ઉમેદવારના ભાવિ ઇવીએમમાં સીલ થઇ ગયા હતા. આજે તમામ રાજ્યોમાં ઉંચુ મતદાન થયું હતું. મતદાનની સાથે સાથે નીચે મુજબ છે.

*   ત્રીજા તબક્કાની ચૂંટણીમાં એકંદરે ૬૩થી ૬૫ ટકા મતદાન નોંધાયું

*   ત્રીજા તબક્કામાં આસામમાં ૭૮, ગોવામાં ૭૧, ગુજરાતમાં ૬૨, કર્ણાટકમાં ૬૪, કેરળમાં ૭૦ ટકાથી ઉંચુ મતદાન થયું

*   ત્રીજા તબક્કામાં તમામ ૧૧૬ બેઠકો ઉપર શાંતિપૂર્ણરીતે મતદાન થયુ હોવાનો ચૂંટણી પંચ દ્વારા દાવો

*   પ્રથમ તબક્કામાં ૬૯.૪૫ અને બીજા તબક્કામાં ૬૯.૪૩ ટકા મતદાન થયા બાદ ત્રીજા તબક્કામાં પ્રમાણમાં ઓછુ મતદાન

*   ગૌત્તમ ગંભીરે પૂર્વીય દિલ્હીમાંથી ઉમેદવારીપત્ર દાખલ કર્યું

*   વડાપ્રધાન નરેન્દ્ર મોદી, અમિત શાહ, લાલકૃષ્ણ અડવાણી, અરૂણ જેટલી, વિજય રૂપાણી, નીતિન પટેલ, પ્રદિપસિંહ જાડેજા, કેશુભાઈ પટેલ, રાજ્યપાલ ઓપી કોહલી સહિતના દિગ્ગજો દ્વારા મતદાન કરવામાં આવ્યુ

*   વડાપ્રધાન મોદીએ રાણીપની નિશાન હાઇસ્કુલમાં મતદાન કર્યુ

*   મોદીના સ્વાગત માટે પહેલાથી જ ભાજપ પ્રમુખ અમિત શાહ અને તેમના પરિવારના સભ્યો મોટી સંખ્યામાં લોકોની સાથે હાજર રહ્યા

*   ૧૧મી એપ્રિલના દિવસે પ્રથમ તબક્કામાં, ૧૮મી એપ્રિલના દિવસે બીજા તબક્કામાં શાંતિપૂર્ણ રીતે મતદાન થયા બાદ ત્રીજા તબક્કામાં મતદાન

*   ગુજરાતની તમામ ૨૬ લોકસભા સીટ પર મતદાન પૂર્ણ

*   ગુજરાતમાં ગાંધીનગર સીટ સહિત કુલ ૩૭૧ ઉમેદવારોના ભાવિ મતદાન બાદ સીલ

*   વડાપ્રધાન નરેન્દ્ર મોદીએ અમિત શાહના પરિવાર સાથે થોડાક સમય વાતચીત કરતા દેખાયા

*   ત્રીજા  તબક્કામાં પણ શાંતિપૂર્ણ રીતે મતદાનને પાર પાડવા માટે ચૂંટણી પંચ દ્વારા તમામ તૈયાર કરી લેવામાં આવી હતી

*   ત્રીજા તબક્કામાં ઉત્તરપ્રદેશની ૧૦ સીટ પર શાંતિપૂર્ણરીતે મતદાન પૂર્ણ. મુખ્ય સ્પર્ધા ભાજપ અને ગઠબંધન વચ્ચે છે

*   બિહારમાં પાંચ સીટ પર મતદાન થયું. પાંચ સીટ પર ૮૨ ઉમેદવારો સીલ થયા. કુલ ૮૮.૩૧ લાખ મતદારો પૈકી મોટા ભાગના મતદારો બહાર નિકળ્યા

*   લોકસભા ચૂંટણી માટેના કાર્યક્રમની ચૂંટણી પંચે ૧૦મી માર્ચના દિવસે  જાહેરાત કરી દીધી હતી.ત્યારબાદથી મતદાનની પ્રક્રિયા ચાલી રહી છે

*   ત્રીજા તબક્કાની  ચૂંટણી માટે પ્રચારનો રવિવારના દિવસે અંત આવ્યો હતો

*   લોકસભાની કુલ ૫૪૩ સીટો ઉપર સાત તબક્કામાં ચૂંટણી યોજનાર છે

*   ૧૭મીલોકસભામાં સત્તાની ચાવી કોની પાસે આવશે તે અંગેનો ફેંસલો ૨૩મી મેના દિવસે થશે.તમામ મતદારો પણ ઉત્સુક બન્યા

*   તમામ મતદાન મથકો ઉપર વીવીપેટની વ્યવસ્થા કરવામાં આવી ચુકી છે. આનાથી વોટરો એ બાબતને જાણી શકશે કે, તેમના મત યોગ્ય ઉમેદવારને પડ્યા છે કે કેમ.

*   તમામ મતદાન કેન્દ્રો ઉપર આ વખતે સીસીટીવી કેમેરા ગોઠવી દેવામાં આવ્યા છે. અને ચૂંટણી પ્રક્રિયાની વિડિયોગ્રાફી કરવામાં આવી રહી છે

*   આ વખતે સામાન્ય ચૂંટણીમાં ૯૦ કરોડ મતદારો પોતાના મતાધિકારનો ઉપયોગ કરી શકશે.

*   ૨૦૧૪થી હજુ સુધી ૮.૪ કરોડ મતદારો વધ્યા છે. આમા પણ ૧.૫ મતદારો એવા છે જેમની વય ૧૮થી ૧૯ વર્ષની છે.૨૦૧૪માં ચૂંટણી પરિણામો જાહેર કરવામાં આવ્યા હતા.

(8:14 pm IST)
  • આસામ૬૨.૧૩ : બિહાર ૪૬.૪૦ : છત્તીસગઢ ૫૦.૨૯ : દાદરાનગર-હવેલી ૩૭.૨૦ : દમણ-દીવ૫૩.૭૨ : ગોવા ૪૯.૭૫ : ગુજરાત ૪૨.૬૯ : જમ્મુ-કાશ્મીર ૦૯.૬૩ : કર્ણાટક૪૩.૧૯ : કેરળ૫૦.૩૬ : મહારાષ્ટ્ર ૩૭.૯૧ : ઓડીસા૩૭.૬૫ : ત્રિપુરા ૫૦.૮૦ : યુ.પી. ૪૧.૩૭ : પશ્ચિમ બંગાળ ૫૩.૧૩ access_time 4:26 pm IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST

  • શ્રીલંકા બોમ્બ ધડાકાની જવાબદારી ISISએ લીધી : રવિવારે સવારે ૮ બોમ્બ ધડાકાથી શ્રીલંકા ધણધણી ઉઠેલ : ૩૦૦ લોકોના મોત થયેલ access_time 5:16 pm IST