Gujarati News

વોશિંગ્‍ટન,તા. ૨૩: વિશ્વભરમાં બેંકો ડૂબી જવાની ઘટનાઓ વચ્‍ચે યુએસ સેન્‍ટ્રલ બેંક ફેડરલ રિઝર્વે ફરી એકવાર દરો (યુએસ ફેડ રેટ હાઈક) વધાર્યા છે. ફેડએ બુધવારે મોડી રાત્રે ૦.૨૫ ટકાના વ્‍યાજ દરમાં વધારો કરવાની જાહેરાત કરી હતી. આ કારણે ફેડરલ રિઝર્વના વ્‍યાજ દરો હવે ૪.૭૫ થી ૫ ટકાની વચ્‍ચે પહોંચી ગયા છે. આ ૨૦૦૭ પછીનું સર્વોચ્‍ચ સ્‍તર છે. જો કે, ત્‍યાં શેરબજાર લ્‍્રૂભ્‍ ૫૦૦ પર તેની કોઈ અસર દેખાઈ ન હતી અને મોડી રાત્રે તે નજીવા વધારા સાથે ટ્રેડ થઈ રહ્યો હતો.

વર્ષ ૨૦૦૭માં પણ જયારે દરો સમાન સ્‍તરે હતા ત્‍યારે ૨૦૦૮માં લેહમેન બ્રધર્સ બેંક ત્‍યાં ડૂબી ગઈ હતી અને તેના કારણે સમગ્ર વિશ્વમાં આર્થિક મંદી આવી હતી. ફરી એકવાર દરો સમાન સ્‍તરે છે અને તેની અસર અમુક હદ સુધી જોવા મળી છે જયારે ત્‍યાંની બે બેંકો પડી ભાંગી અને એક બેંક બીજી બેંક સાથે મર્જ થઈ ગઈ.

વિશ્‍લેષકો અપેક્ષા રાખે છે કે ફુગાવાને નિયંત્રણમાં લાવવા માટે ફેડરલ રિઝર્વ બેંક આ વર્ષે વધુ એક વખત દરમાં વધારો કરશે. જો કે આવતા વર્ષે દરો વધારવાની ગતિ અટકી શકે છે. તેમનું એમ પણ માનવું છે કે યુએસ સેન્‍ટ્રલ બેંકના આ નિર્ણય બાદ આરબીઆઈ એપ્રિલના પહેલા સપ્તાહમાં વ્‍યાજદરમાં ૦.૨૫ ટકાનો વધારો કરી શકે છે. આ અઠવાડિયે, યુરોપિયન સેન્‍ટ્રલ બેંકએ અડધા ટકાના દરે વધારો કર્યો છે. આ સંકેતો સૂચવે છે કે વિશ્વભરની મધ્‍યસ્‍થ બેંકો ફુગાવાને કાબૂમાં રાખવા માટે આ વર્ષે આક્રમક રીતે દરોમાં વધારો કરવાનું ચાલુ રાખશે.