Gujarati News

Gujarati News

News of Saturday, 23rd March 2019

દિલ્‍હીના મુખ્‍યમંત્રી અરવિંદ કેજરીવાલનો ધૂળેટી પર્વમૉ રંગે રમતો જૂનો ફોટો સોશ્‍યલ મીડિયામાં વાયરલ

નવી દિલ્હી: આમ આદમી પાર્ટી (આપ)ના સંયોજક અને દિલ્હીના મુખ્યમંત્રી અરવિંદ કેજરીવાલનો હોળી રમતો એક જૂનો ફોટો અચાનક જ સોશિયલ મીડિયા પર વાઈરલ થઈ ગયો. આ ફોટાને જોઈને બધા ચોંકી ગયાં. હકીકતમાં આ ફોટો તે સમયનો છે જ્યારે અરવિંદ  કેજરીવાલ આઈઆઈટીમાં અભ્યાસ કરતા હતાં અને તેમની ઉંમર નાની હતી. ફોટામાં કેજરીવાલને કોઈ પણ સરળતાથી ન ઓળખી શકે. દિલ્હીના મુખ્યમંત્રીએ પોતે જ જણાવી દીધુ કે આ ફોટામાં તેઓ ક્યાં છે.

ટ્વિટર પર પોસ્ટ કરાયેલા એક ફોટાને જોઈને અરવિંદ કેજરીવાલ ખુબ ખુશ થયા અને તેમણે તેને રિટ્વિટ કરતા લખ્યું કે હાહાહા... જ્યારે અમે આઈઆઈટીમાં હતાં ત્યારની હોળી... હકીકતમાં આ ફોટો કેજરીવાલ જ્યારે આઈઆઈટી ખડગપુરમાં અભ્યાસ કરતા હતાં ત્યારનો છે.

આ જૂના ફોટામાં હોળી રમતા છોકરાઓનું એક જૂથ જોવા મળી રહ્યું છે, જેમાં તમામ રંગાયેલા અને મસ્તી કરતા જોવા મળી રહ્યાં છે. રાજીવ શરાફ દ્વારા ટ્વિટર પર આ ફોટો શેર કરાયા બાદ પૂછવામાં આવ્યું કે આમાંથી તમે કયા છો અરવિંદ  કેજરીવાલ? જેના જવાબમાં મુખ્યમંત્રીએ લખ્યું કે બ્રાઉન રંગના ટ્રાઉઝરમાં સામેની બાજુનો વ્યક્તિ....

(9:34 am IST)