Gujarati News

Gujarati News

News of Friday, 23rd March 2018

ફેસબુક પર BFF ટાઈપ કરીને સિક્યુરિટી ચેક કરવાનો દાવો :ગ્રીન થશે પરંતુ ,,,વાસ્તવિકતા કંઈક જુદી જ છે

લોકોને ખબર નથી કે BFFનો અર્થ શું? લોકો કોમેન્ટમાં BFF પોસ્ટ પણ કરી રહ્યા છે.

 

નવી દિલ્હીઃ ફેસબુકના ડેટા લીક મામલો હાલમાં ચર્ચામાં છે ત્યારે સોશિયલ મીડિયા ફેસબુક પર કેટલીય એવી પૉસ્ટ વાયરલ થઇ રહી છે હવે BFF ટાઇપ કરી સિક્યુરિટી ચેક કરવાનો દાવો વાયરલ થઇ રહ્યો છે.વાઈરલ થયેલા મેસેજમાં કહેવામાં આવી રહ્યું છે કેફેસબુકના સીઈઓ માર્ક ઝકરબર્ગે તમારું એકાઉન્ટ સેફ રાખવા માટે BFFની શોધ કરી છે. જો તમે પોસ્ટની કોમેન્ટમાં BFF લખશો અને તે ગ્રીન કલરમાં આવે તો સમજવું કે તમારું એકાઉન્ટ સેફ છે નહીં તો સિક્યોર નથી.’

  પરંતુ BFFના નામે ફેલાયેલા સમાચાર 100 ટકા ખોટા છે. ફેક ન્યૂઝ એટલા માટે વાઈરલ થઈ રહ્યા છે કારણ કે લોકોને ખબર નથી કે BFFનો અર્થ શું થાય છે. લોકો કોમેન્ટમાં BFF પોસ્ટ પણ કરી રહ્યા છે. પોસ્ટ પર BFF લખવાથી ગ્રીન પણ થઈ જશે પરંતુ તેને તમારા એકાઉન્ટ સેફ થવા સાથે કોઈ લેવાદેવા નથી.

  વાસ્તવમાં BFF એટલે કેબેસ્ટ ફ્રેન્ડ ફોરેવરલખવાથી તે ગ્રીન થઈ જાય છે તે ફેસબુકનું એક ફીચર છે. જે રીતે ફેસબુક પર Congratulation અથવા કોઈને અભિનંદન પાઠવવામાં આવે તો તે શબ્દ કેસરી કલરના થઈ જાય છે. ઉપરાંત આવા ઘણા શબ્દો ફેસબુક દ્વારા પસંદ કરવામાં આવ્યા છે જેને તમે ટાઈપ કરશો એટલે અલગ કલરમાં જોવા મળશે. you’re the best લખશો એટલે ફ્લાઈંગ સ્ટાર દેખાશે, best wishes લખશો એટલે બે હાથ ડાન્સ કરતા જોવા મળશે. rad અથવા radness લખશો એટલે  રેઈન્બો થમ્સઅપ દેખાશે. xo અથવા xoxo લખશો એટલે હાર્ટ દેખાશે.

તમારું ફેસબુક એકાઉન્ટ સિક્યોર કરવા માટે સૌથી પહેલા પ્રોફાઈલના સેટિંગ્સમાં જઈનેટુ ફેક્ટર ઓથેંટિકેશનને ઈનેબલ કરો. સેટિંગ્સને ઈનેબલ કરવાથી જો કોઈ તમારો પાસવર્ડ જાણી લેશે તો પણ તમારો પ્રોફાઈલ એક્સેસ કરી શકશે નહીં.

જો તમે નથી ઈચ્છતા કે તમારું એકાઉન્ટ, ઈમેલ, નંબર અથવા પોસ્ટ કોઈ જુએ તો તમારે એકાઉન્ટમાં જઈને ફ્રેન્ડ રિક્વેસ્ટ, ફ્રેન્ડ લિસ્ટ, ઈમેલ, ફોન નંબરની પ્રાઈવેસી પોતાની સુવિધા અનુસાર સેટ કરવી.

(10:33 pm IST)
  • ઈન્ડિયન પ્રીમિયર લીગના આગામી સત્રમાં અમ્પાયરના નિર્ણયની સમીક્ષા પ્રણાલી(ડીઆરએસ) નો ઉપયોગ કરી શકાશે. આઈપીએલ ચેરમેન રાજીવ શુક્લાએ જણાવ્યું હતું કે, ઘણા વખતથી તેની પર વિચાર કરવામાં આવી રહ્યો હતો. આંતરરાષ્ટ્રીય ક્ષેત્રે ટી20 માં દરેક ટીમને અમ્પાયરના એક નિર્ણયની સમીક્ષા માટે તક આપવામાં આવશે. access_time 1:43 am IST

  • રાષ્ટ્રપતી ટ્રમ્પએ લાદેલી વિવિધ ઈમ્પોર્ટ ડ્યુટી બાદ, અમેરિકા - ચાઈના વચ્ચે ટ્રેડ-વોર ફાટી નીકળવાના ભઈથી અમેરિકી શેરબજાર ડાઉ જોન્સ ૭૨૪ પોઈન્ટ તૂટીને આજે ઉંધેમાથે પછડાયું : S&P 500 અને નાસ્ડેક પણ 2% તૂટ્યા : રોકાણકારોના કરોડો ડોલર ડૂબ્યા access_time 1:42 am IST

  • ઉત્તર પ્રદેશમાં સાંજે છ વાગ્યે મત ગણતરી રોકી દેવામાં આવી છે :યોગીના સાથી ધારાસભ્યએ ક્રોસ વોટિંગ કર્યું : ઝારખંડમાં રાજ્યસભાની ચૂંટણીમાં JVMના ધારાસભ્યં પ્રકાશ રામનો મત રદ કરવા કોંગ્રેસે ચૂંટણી પંચને અરજી આપી: કર્ણાટકમાં JDSના કુમારસ્વામીએ મતદાનના માટે ગણતરીમાં ગરબડી થયાનો આક્ષેપ કરેલ છે access_time 6:35 pm IST