Gujarati News

મુંબઇઃ માતાને પોતાની ૧૬ વર્ષની પુત્રીને પિતા સાથે આડોસંબંધ હોવાની શંકાના કારણે મોતને ઘાટ ઉતારી દેતા   ચકચાર  મ ચીગઇ છે.

16 વર્ષની દીકરી પોતાના જ બાપ સાથે શારીરિક સંબંધ ધરાવે છે તેવી તેની માને શંકા હતી, અને તેના કારણે જ તેણે તેની હત્યા કરી હોવાનું જાણવા મળી રહ્યું છે. ખારઘર પોલીસ સ્ટેશને આ મામલે મહિલાની ધરપકડ કરી છે.

પોલીસના જણાવ્યા અનુસાર, મૃતક સ્કૂલમાં ભણતી હતી. તેના પિતા સિવિલ કોન્ટ્રાક્ટર છે. છોકરીના પીએમમાં તેનું મોત શ્વાસ રુંધાવાને કારણે થયું હોવાનું બહાર આવતા પોલીસે તપાસ કરતા તેની માતાએ જ તેની હત્યા કર્યાનું ખૂલ્યું હતું. પોતાની જ દીકરીને મારનારી મહિલા પરિવાર સાથે ખારઘરમાં એક દીકરા, દીકરી (મૃતક) અને પતિ સાથે રહેતી હતી. જ્યારે તેના બે બાળકો તેના વતન રાજસ્થાનમાં રહે છે.

સીનિયર પોલીસ ઈન્સ્પેક્ટર દિલિપ કાલેના જણાવ્યા અનુસાર, 4 માર્ચના રોજ સવારમાં જ આરોપી મહિલાએ દીકરીનું દુપટ્ટા વડે ગળું દબાવી હત્યા કરી હતી. તેનો પતિ બપોરે જમવા આવ્યો ત્યારે તેણે દીકરીને રુમમાં પડેલી જોઈ હતી, પરંતુ તે વખતે તેની માએ તેને કહ્યું હતું કે તે સૂઈ રહી છે. જોકે, ચાર વાગ્યે તેણે પતિને ફોન કરીને કહ્યું હતું કે, દીકરી ઉઠી નથી રહી.

પત્નીનો ફોન આવતા જ પતિ તાબડતોબ ઘરે પહોંચ્યો હતો. સાંજે સાત વાગ્યા સુધીમાં તેમના સંબંધીઓ ઘરે એકત્ર થવ લાગ્યા હતા, અને ત્યારે જ પોલીસને આ ઘટનાની જાણ કરાઈ હતી. છોકરીના ગળા પર ઈજાના નિશાન હોવાથી પોલીસને શરુઆતથી જ શંકા હતી કે તેની હત્યા કરવામાં આવી છે. ડેડબોડીનું પીએમ કરાવ્યા બાદ મા-બાપ તેને રાજસ્થાન અંતિમ ક્રિયા માટે લઈ ગયા હતા.

પીએમ રિપોર્ટમાં તેનું મોત ગળું દબાવવાથી થયું હોવાનું બહાર આવતા જ પોલીસે હત્યાનો ગુનો દાખલ કર્યો હતો. પોલીસે છોકરી સાથે સ્કૂલમાં ભણતા લોકોની પૂછપરછ કરી હતી. છોકરીની એક બહેનપણીએ પોલીસને જણાવ્યું હતું કે, મૃતકની મા તેના પિતા સાથે જ જાતિય સંબંધ હોવાની શંકા રાખીને છેલ્લા છ મહિનાથી તેની મારઝૂડ કરતી હતી. તેની માએ તેની કે પછી તેના બાપની હત્યા કરવાની પણ ધમકી આપી હતી.

પોલીસને એવી પણ માહિતી મળી હતી કે, છોકરીથી તેની માનો અત્યાચાર સહન ન થતો હોવાથી તેણે ફેબ્રુઆરીમાં જ ઝેર પી આપઘાત કરવાનો પ્રયાસ કર્યો હતો. તે પોતાના ફ્લેટમાંથી કૂદીને આપઘાત કરવાનું પણ નક્કી કરી ચૂકી હતી. આખરે, મૃતક છોકરીના મા-બાપ તેની અંતિમ વિધિ પતાવી મુંબઈ પરત ફર્યા ત્યારે પોલીસે તેમને પૂછપરછ માટે બોલાવ્યા હતા. આ દરમિયાન તેની માની આકરી પૂછપરછ કરાતા તેણે પોતાનો ગુનો કબૂલી લીધો હતો.

છોકરીની માએ આક્ષેપ કર્યો હતો કે, દીકરી હંમેશઆ સામે બોલતી હતી, અને હાથ પણ ઉઠાવતી હતી. હોળી બીજા દિવસે પણ બંને વચ્ચે ઝઘડો થયો હતો અને માએ દીકરીને ફટકારી હતી. જોકે, તે વખતે પણ છોકરીએ પ્રતિકાર કર્યો હતો અને ઝપાઝપીમાં જ માએ દુપટ્ટાથી તેનું ગળું દબાવી દીધું હતું. પોલીસને શંકા છે કે, છોકરીના પિતાને આ અંગે જાણ હોવા છતાં તેમણે ગુનો છૂપાવવા પ્રયાસ કર્યો હતો.