Gujarati News

Gujarati News

News of Friday, 23rd February 2024

ડ્રોન બનાવતી ભારતીય કંપની આઇડિયા ફોર્જ ટેકનોલોજીનો અમેરિકાની માર્કેટમાં એન્‍ટ્રી થતા શેરમાં ઉછાળો

કંપનીનો શેર શુક્રવારે ૭.૮૦ ટકાથી વધીને ૭૮૬ પર બંધ થયો

મુંબઇઃ  ભારતીય ડ્રોન મેન્યુફેક્ચરિંગ કંપની Ideaforge Technologyના શેરમાં જબરદસ્ત ઉછાળો આવ્યો છે. Ideaforgeનો શેર શુક્રવારે 7 ટકાથી વધુ વધીને 786 પર પહોંચ્યો હતો.

IdeaForge ટેકનોલોજી સિવિલ અને ડિફેન્સ ડ્રોનની બેવડા ઉપયોગની શ્રેણીમાં વિશ્વની પાંચમી સૌથી મોટી કંપની છે.સ્વદેશી ડ્રોન મેન્યુફેક્ચરિંગ કંપની આઈડિયાફોર્જ ટેક્નોલોજીના સીઈઓ અંકિત મહેતાએ કહ્યું છે કે તેમની કંપનીએ ખૂબ જ સ્પર્ધાત્મક અમેરિકન માર્કેટમાં તેના ઉત્પાદનોનું પ્રદર્શન કર્યું છે.

IdeaForge એ એવા સમયે અમેરિકન ડ્રોન માર્કેટમાં પ્રવેશ કર્યો છે જ્યારે ત્યાંના લોકો ચીની બનાવટના ડ્રોન ખરીદવા માંગતા નથી. તેણે કહ્યું કે અમારા ઉત્પાદનોને લઈને અહીં ઘણો ઉત્સાહ છે.

Ideaforgeનો IPO 672ના ભાવે આવ્યો હતો. કંપનીનો IPO 26 જૂન 2023ના રોજ ખોલવામાં આવ્યો હતો અને તે 30 જૂન 2023 સુધી ખુલ્લો રહ્યો હતો. કંપનીના શેર 7 જુલાઈ, 2023ના રોજ ભારે પ્રીમિયમ સાથે 1305.10 પર લિસ્ટ થયા હતા.

લિસ્ટિંગના દિવસે Ideaforgeનો શેર 1344ની ટોચે પહોંચ્યો હતો. અહીં IdeaForgeના શેર છેલ્લા કેટલાક મહિનાઓથી સતત દબાણ હેઠળ છે. 14 ફેબ્રુઆરી, 2024ના રોજ કંપનીના શેર 689 પર પહોંચી ગયા હતા, જે કંપનીના શેરનું 52 સપ્તાહનું નીચું સ્તર છે. કંપનીનો IPO 106 વખત સબસ્ક્રાઇબ થયો હતો.

(11:01 pm IST)