Gujarati News

Gujarati News

News of Tuesday, 23rd February 2021

મદરેસા ગયેલ બે માસૂમ સગી બહેનો ખેતરમાંથી લોહીથી લથબથ મળી આવીઃ એકનું મોત

શાહજહાંપુર (ઉ.પ્ર.), તા. ૨૩ :. યોગી સરકારના આકરા પગલાઓ છતાં યુપીમાં હત્યા, બળાત્કાર, અપહરણ સહિતના ગુન્હાઓ અવિરત ચાલુ જ રહે છે. મહિલાઓ, બાળકો, કિશોરીઓ સામેના અત્યાચારો વધુને વધુ બહાર આવતા જાય છે.

શાહજહાંપુર ખાતે બે માસૂમ સગી બહેનો મદરેસામા ભણવા ગયેલ પરંતુ ઘરે પરત આવી નહિ, મોડી રાત્રે ૪ વર્ષની બાળકીનો મૃતદેહ ખેતરમાંથી મળ્યો અને બીજી ૭ વર્ષની સગી બહેન ખેતરમાં લોહીથી લથબથ ગંભીર હાલતમાં મળી આવતા ખળભળાટ સાથે ભારે રોષ ફેલાયો છે.એવું મનાય છે કે હત્યારાઓ આ બન્ને બહેનો મૃત્યુ પામ્યાનું માની લાશ ફેંકી નાસી છૂટયા હશે. પોલીસ બેડામાં પણ ભારે ખળભળાટ મચી ગયો છે. તેના પરિવાર પાસેથી વિગતો મેળવાઈ રહી છે. લોહીથી લથબથ મળી આવેલ ૭ વર્ષની બાળાની સ્થિતિ મેડિકલ કોલેજની હોસ્પીટલમાં અતિગંભીર છે.

બાળકી હોશમાં આવે પછી કંઈક હકીકત બહાર આવશે. પોલીસે સંખ્યાબંધની અટક કરી જાણકારી મેળવી રહી છે.

મોડે સુધી તલાસી પછી ખેતરમાંથી લોહીથી લથબથ મળી આવેલ બાળકીના શ્વાસ ચાલતા હોય તેને તુરંત જ હોસ્પીટલે લઈ જવાયેલ.

બન્ને મુસ્લિમ પરિવારની બન્ને સગી બહેનો મદરેસા ગયા પછી ગુમ થઈ ગઈ હતી. થોડા જ સમય પહેલા કાનપુર નજીકથી ખેતરમાં ૩ બહેનો બાંધેલ હાલતમાં મળી આવેલ જેમાં ૨ના મોત થયેલ. એક તરફી પ્રેમમાં એક યુવકે ઝેર આપી તેને મારી નાખેલ.

(2:42 pm IST)
  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST