Gujarati News

Gujarati News

News of Tuesday, 23rd February 2021

યુપીના મુઝફ્ફરનગરમાં ખેડૂતો અને ભાજપના કાર્યકરો વચ્ચે ઘર્ષણ :બોલાચાલી બાદ મારામારી : અનેક ઘાયલ

જયંત ચૌધરીએ ટ્વીટ કરીને લખ્યું કે, ખેડૂતોના પક્ષમાં વાત ના થઈ શકે તો ઓછામાં ઓછો વ્યવહાર તો સારો રાખો.

ઉત્તર પ્રદેશના મુઝફ્ફરનગરમાં સોમવારના ખેડૂતો અને બીજેપી કાર્યકર્તાઓ વચ્ચે બબાલ થઈ છે. બંનેની વચ્ચે તીખી બોલાચાલી બાદ વાત મારઝૂડ સુધી પહોંચી ગઈ, જેમાં અનેક લોકો ઘાયલ થઈ ગયા. આ ઘટના શાહપુર પોલીસ સ્ટેશન ક્ષેત્રના સોરમ ગામની છે. આ ઘટનાને લઇને RLD નેતા જયંત ચૌધરીએ ટ્વીટ કરી છે.

જયંત ચૌધરીએ ટ્વીટ કરીને લખ્યું કે, 'સોમર ગામમાં બીજેપી નેતાઓ અને ખેડૂતોની વચ્ચે સંઘર્ષ, અનેક લોકો ઘાયલ. ખેડૂતોના પક્ષમાં વાત ના થઈ શકે તો ઓછામાં ઓછો વ્યવહાર તો સારો રાખો.ખેડૂતોની ઇજ્જત કરો. આ કાયદાના ફાયદા બતાવવા જઇ રહેલા સરકારના પ્રતિનિધિઓની ગુંડાગર્દી સહન કરશે ગામવાળા?

જયંત ચૌધરીએ ઘાયલ ખેડૂતોની તસવીર પણ શેર કરી છે. આ મારઝુડમાં અનેક ખેડૂતો ઘાયલ થઈ ગયા છે. ઘટનાની જાણ થતા પોલીસે બંને પક્ષોને સમજાવ્યા અને ઘટનાની તપાસ શરૂ કરી છે. ઉલ્લેખનીય છે કે કૃષિ કાયદાઓને લઇને બીજેપીના મેગા પ્લાન પર ખેડૂતોનો ગુસ્સો ભારે પડી રહ્યો છે. નવા કૃષિ કાયદાના ફાયદા બતાવવા પહોંચેલા કેન્દ્રીય મંત્રી સંજીવ બાલિયાને ભારે વિરોધનો સામનો કરવો પડ્યો હતો. શામલીના ભેંસવાલામાં સંજીવ બાલિયાન અને બીજેપીની વિરુદ્ધ જોરદાર નારેબાજી થઈ હતી.

ગ્રામજનોએ મંત્રીના કાફલાની આગળ ટ્રેક્ટર લગાવીને તેમને ગામમાં ઘૂસવાથી રોકી દીધા. આ વિરોધ પર સંજીવ બાલિયાને કહ્યું હતુ કે 10 લોકોના વિરોધ કરવાથી અને મુર્દાબાદ બોલવાથી હું મુર્દાબાદ નહીં થઈ જાઉં. વિરોધના કારણે મંત્રીના કાફલાએ પાછા ફરવું પડ્યું.

(8:08 am IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • મતદારોએ આખે આખી પેનલો વીજયી બનાવીઃ નવી પેટર્ને આશ્ચર્ય સર્જયુઃ એક પણ વોર્ડમાં ક્રોસ વોટીંગ નહી! access_time 3:58 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST