Gujarati News

Gujarati News

News of Tuesday, 23rd February 2021

કપિલ શર્મા વિવાદમાં : એરપોર્ટ પર વહીલચૅયરમાં દેખાયો : ફોટા પાડ્યા તો મીડિયાકર્મીને ગાળો આપી: વિડિઓ વાયરલ

સોશિયલ મીડિયામાં તેમની તબિયતને લઇને અનેક અટકળો વહેતી થઇ

મુંબઈ : કોમેડિયન કપિલ શર્માનો શો અત્યારે ઓફ એયર છે.તેવામાં સોમવારે કપિલ શર્મા એરપોર્ટ પર વ્હીલચેયરમાં બેસીને બહાર આવતા દેખાયા હતા. તેમની આ તસવીરો સામે આવતા જ તેમના પ્રશંસકોમાં હલચલ મચી ગઇ હતી. ખાસ કરીને સોશિયલ મીડિયામાં તેમની તબિયતને લઇને અનેક અટકળો વહેતી થઇ હતી.

સોમવારે જ્યરે તેઓ મુંબઇ એરપોર્ટ પરથી બહાર આવ્યા ત્યારે તેમની આવી હાલત જોવા મળી હતી. જો કે તેમને શું થયું તે હજુ સુધી જાણવા મળ્યું નથી. તેવામાં આ સમયનો એક વીડિયો સામે આવ્યો છે, જેમાં કપિલ શર્મા મીડિયાકર્મીઓને ગાળો આપી રહ્યા છે. મળતી માહિતિ પ્રમાણે જ્યારે ફોટોગ્રાફર તેમના ફોટો લઇ રહયા હતા અને તેમને શું થયું તે પુછતા હતા ત્યારે કપિલ શર્માએ ગુસ્સે થઇને તેમને ગાળો આપી છે..

કપિલ શર્માએ કેમેરાપર્સનને પોતાનાથી દૂર રહેવાનું કહીને ગાળો આપી. બાદમાં કપિલ શર્માના મેનેજરે મીડિયાકર્મીઓ અને ફોટોગ્રાફરને આ ગાળોવાળો વીડિયો ડિલિટ કરવાનું કહ્યું છે. જો કે ફોટોગ્રાફરોએ આ વીડિયો સોશિયલ મીડિયા પર શેર કરી દીધો છે. ત્યારબાદ કપિલ શર્મા ફરી એક વખત વિવાદમાં સપડાયા છે.

(7:59 am IST)
  • ૨૨ વર્ષની પાયલ પાટીદાર ‘આપ’ પાર્ટીની ટીકીટ ઉપરથી વિજેતા બનીઃ સૌથી નાની વયે વિજય મેળવ્યો : સુરતમાં કેજરીવાલના ‘આપ’ પક્ષના ઉમેદવાર પાયલ પાટીદાર માત્ર ૨૨ વર્ષની ઉંમરે વિજેતા બન્યા છે. ગુજરાતમાં કદાચ તેઓ સૌથી નાની વયના વિજેતા ઉમેદવાર જાહેર થાય તેવી સંભાવના access_time 4:46 pm IST

  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST