Gujarati News

Gujarati News

News of Saturday, 23rd January 2021

જાણીતા ટીવી એન્કર લૈરી કિંગનું 87 વર્ષની વયે નિધન : રાષ્ટ્રપતિ પુતિને દુઃખ વ્યક્ત કર્યુ

વિશ્વભરના રાજનેતાઓ તથા ફિલ્મી સિતારોનું ઈન્ટરવ્યૂ લેનાર પ્રસિદ્ધ ટીવી પ્રસ્તોતા લૈરી કિંગનું લોસ એન્જિલસના સેડાર્સ-સિનાઈ મેડિકલ સેન્ટરમાં નિધન

લોસ એન્જિલસઃ વિશ્વભરના રાજનેતાઓ અને ફિલ્મી સિતારાઓનું ઈન્ટરવ્યૂ લેનારા ટીવી પ્રેઝન્ટર લૈરી કિંગનું શનિવારે નિધન થયુ છે. તેઓ 87 વર્ષના હતા. કિંગ દ્વારા સહ-સ્થાપિત સ્ટૂડિયો તથા નેટવર્ક 'ઓરા મીડિયા'એ ટ્વીટ કર્યુ કે, કિંગનું લોસ એન્જિલસના સેડાર્સ-સિનાઈ મેડિકલ સેન્ટરમાં નિધ થઈ ગયુ છે.  
કિંગના નિધનનું કારણ જણાવવામાં આવ્યું નથી, પરંતુ સીએનએને આ પહેલા માહિતી આપી હતી કે કોવિડ-19ની ઝપેટમાં આવ્યા બાદ તેમને હોસ્પિટલમાં દાખલ કરવામાં આવ્ય હતા. કિંગે પોતાના કરિયરમાં લગભગ 50 હજાર ઈન્ટરવ્યૂ લીધા હતા. વર્ષમાં 1995મા તેમને પીએલઓના અધ્યક્ષ યાસિર અરાફાત, જોર્ડનના કિંગ હુસૈન તથા ઇઝરાયલના પ્રધાનમંત્રી યિત્જાક રોબિનની સાથે મધ્ય-પૂર્વ શાંતિ સંમેલનની અધ્યક્ષતા કરી હતી. 

તેમણે પોતાના કરિયરમાં દલાઈ લામા, એલિઝાબેથ ટેલર, મિખાઇલ ગોર્બાચેવ, બરાક ઓબામા, બિલ ગેટ્સ તથા લેડી ગાગા સહિત ઘણા નામચીન હસ્તિઓના ઈન્ટરવ્યૂ પણ કર્યા હતા. રશિયાના રાષ્ટ્રપતિ વ્લાદિમીર પુતીને પણ લૈરી કિંગના નિધન પર શોક વ્યક્ત કર્યો છે

(11:54 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST