Gujarati News

Gujarati News

News of Friday, 22nd November 2019

2જી ડિસેમ્બરે ઇતિહાસ રચાશે : ભારતીય નૌસેનાની પ્રથમ મહિલા પાયલટ બનશે લેફ્ટિનેંટ શિવાંગી

તાલીમ પૂર્ણ કર્યા બાદ 2 ડિસેમ્બરે નૌકાદળમાં પોતાની કમાન સંભાળશે.

નવી દિલ્હી : ભારતીય નૌકા દળમાં સામેલ થનારી તે પ્રથમ મહિલા પાયલટ લેફ્ટિનેંટ શિવાંગી 2 ડિસેમ્બરે નવો ઈતિહાસ રચશે  તે ભારતીય નૌકાદળમાં સામેલ થનારી પહેલી મહિલા પાયલટ હશે. લેફ્ટિનેંટ શિવાંગી પોતાની તાલીમ પૂર્ણ કર્યા બાદ 2 ડિસેમ્બરે નૌકાદળમાં પોતાની કમાન સંભાળશે.

 શિવાંગી બિહારના મુઝફ્ફરપુરની છે અને તેણે DAV પબ્લિક સ્કૂલમાંથી પોતાનો અભ્યાસ પૂર્ણ કર્યો છે. શિવાંગી ગ્રેજ્યુએટ થયા બાદ ભારતીય નૌસેનામાં સામેલ થનારી પ્રથમ મહિલા પાયલટ બનશે. ભારતીય નૌકા દળની એકેડમીમાં તેણીને 27 NOC કોર્સ હેઠળ એસએસી(પાયલોટ) તરીકે સામેલ કરવામાં આવી હતી.

શિવાંગી સર્વેલાન્સ વિમાન ઉડાવશે. આ વિમાન ઓછા અંતરના સમુદ્રી મિશન પર મોકલવામાં આવે છે. જેમાં એડવાન્સ સર્વેલાન્સ રડાર, ઈલેક્ટ્રોનિક સેન્સર અને નેટવર્કિંગ જેવા અનેક ઉપકરણોથી સજ્જ હોય છે. નૌકા દળની વિમાન શાખામાં ઘણી મહિલા અધિકારી એર ટ્રાફિક કન્ટ્રોલર તરીકે ફરજ બજાવે છે. શિવાંગીની ટ્રેનિંગ દક્ષિણી કમાનમાં ચાલી રહી છે અને 2 ડિસેમ્બરમાં તેને ડોરનિયર વિમાન ઉડાવવાની મંજૂરી મળશે.

(9:14 pm IST)
  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST

  • મહારાષ્ટ્રમાં શિવસેના ,એન.સી.પી.અને કોંગ્રેસ વચ્ચેની મિટિંગ સંપન્ન : 5 વર્ષ સુધી સ્થિર સરકાર આપવા લીડર તરીકે ઉધ્ધવ ઠાકરેના નામ ઉપર સહમતી : શરદ પવાર access_time 7:35 pm IST

  • મહારાષ્ટ્રમાં મહામંત્રણા અંતિમ તબક્કામાં : મહારાષ્ટ્રમાં સરકાર રચવા અત્યારે સાંજે ૫ વાગ્યે શિવસેના, એનસીપી અને કોંગ્રેસની મહત્વની અંતિમ બેઠક ચાલી રહી છે : સાંજે મોડેથી સરકાર રચવા દાવો કરવામાં આવશે તેમ જાણવા મળે છે access_time 5:23 pm IST