Gujarati News

Gujarati News

News of Friday, 22nd November 2019

મંદિરમાં કાન પકડયા, ઉઠ-બેસ કરી પછી માતાજીનો મુગટ લઈને ભાગી ગયો ચોર

મંદિરમાં લાગેલા સીસીટીવી કેમેરામાં ચોરની આ હરકત કેદ થઈ ગઈ

હૈદરાબાદ, તા.૨૨: કલ્પના કરો, એક ચોર ચોરી કરતા પહેલા ઉઠ-બેસ કરે, કાન પકડે અને માતા દુર્ગાની મૂર્તિ આગળ માથુ નમાવીને માફી માંગે આ બાદ માતાજીનો મુગટ ચોરી કરીને ભાગી જાય. તેલંગાણાના હૈદરાબાદના બહારના વિસ્તારમાં આવેલા દુર્ગા ભવાની મંદિરમાં ગુરુવારે સાંજે કંઈક આવું જ થયું. મંદિરમાં લાગેલા સીસીટીવી કેમેરામાં ચોરની આ હરકત કેદ થઈ ગઈ.

સીસીટીવી ફૂટેજમાં દેખાય છે કે ચોર દ્યણા સમય સુધી હાથ જોડીને પ્રાર્થના કરતો રહ્યો. આ બાદ માતાજીનો મુગટ ચોરીને પોતાના શર્ટની અંદર મૂકીને ત્યાંથી જતો રહે છે. પોલીસે જણાવ્યું કે ચોરે જયારે મંદિરમાંથી ૧૦ હજારની કિંમતના ૩૫ તોલા ચાંદીવાળો હાર ચોર્યો ત્યારે પુજારી મંદિરમાં ઉપસ્થિત નહોતા.

એક આધેડ ઉંમરના ચોરનો મુગટ ચોરી કરતા પહેલા માફી માગતો વિડીયો ઝડપથી વાઈરલ થઈ રહ્યો છે. જેનાથી મંદિર પ્રશાસન અને પોલીસને શર્મસાર થવું પડી રહ્યું છે. પોલીસને લોકોના વિરોધ-પ્રદર્શનનો સામનો કરવો પડ્યો. ચોરને પકડવા માટે પોલીસ દરેક શેરીએ તપાસ કરી રહી છે પરંતુ હજુ સુધી ચોરની કોઈ ભાળ મળી નથી.

આ મામલે પોલીસ ઈન્સ્પેકટર રવિ કુમારે જણાવ્યું, દ્યટના સાંજે ૬ વાગીને ૨૨ મિનિટની છે જયારે મંદિર ભકતો માટે ખોલવામાં આવ્યું. ચોરી પહેલા આરોપી આસપાસમાં નજર કરીને જોઈ રહ્યો છે. આ બાદ તે મુગટનો કપડાની અંદર સંતાડીને ભાગી જાય છે. પોલીસે ચોર વિરુદ્ઘ IPCની કલમ ૩૮૦ હેઠળ ફરિયાદ દાખલ કરી છે.

(11:24 am IST)
  • શિવસેનાની કિશોરી પેડનેકર બની નવી મેયરઃ ડે.મેયર પદ પણ શિવસેનાનેઃ સૌથી અમીર મ્યુ. કોર્પો. છેઃ ર૦૧૯-ર૦ નું રૂ. ૩૦૬૯ર કરોડનું બીએમસીનું બજેટ છેઃ ભાજપ સામે મેયરપદ માટે જોરદાર મુકાબલો થયો હતો access_time 3:51 pm IST

  • સ્કૂલે જતા 10 બાળકોમાંથી 1 ને ડાયાબિટીસ : સુગર, ચોકલેટ, તથા મીઠાઈ તથા જંક ફુડનું અધિક સેવન અને શ્રમનો અભાવ જવાબદાર : સ્વાસ્થ્ય મંત્રાલયનો સર્વે access_time 11:58 am IST

  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST