Gujarati News

Gujarati News

News of Tuesday, 22nd October 2019

ઇન્ફોસીસની માર્કેટ મૂડીમાં ૫૩,૪૫૧ કરોડનો ઘટાડો

ગેરરીતિને લઇને ફરિયાદ થયા બાદ હોબાળો : ઇન્ફોસીસના શેરમાં આશરે ૧૭ ટકા સુધીનો મોટો ઘટાડો

મુંબઈ, તા. ૨૨ : આઈટી સર્વિસ કંપની ઇન્ફોસીસના શેરમાં આજે ઉલ્લેખનીયરીતે ૧૬ ટકાથી વધુનો ઘટાડો નોંધાયો હતો. જેથી તેની માર્કેટ મૂડીમાં ઉલ્લેખનીય ઘટાડો થયો હતો. તેની માર્કેટ મૂડીમાં ૫૩૪૫૧ કરોડથી વધુનો ઘટાડો થયો હતો. એવી ફરિયાદ થઇ છે કે, કંપનીના બે ટોપના કારોબારીઓ શોર્ટ ટર્મ રેવેન્યુ અને પ્રોફિટને વધારવા માટે કેટલીક ગેરકાયદે પ્રવૃત્તિમાં સામેલ રહ્યા છે. એવી ફરિયાદ પણ થઇ છે કે, કંપનીના ટોચના અધિકારીઓએ ગેરરીતિ આચરી હતી. આજે કારોબાર દરમિયાન કંપનીના શેરમાં ૧૬.૨૧ ટકાનો ઘટાડો રહેતા તેની કિંમત ઘટીને ૬૪૩.૩૦ સુધી પહોંચી ગઈ હતી. દિવસ દરમિયાન એક વખતે તેના શેરની કિંમત ૧૬.૮૬ ટકા સુધી ઘટી હતી. એપ્રિલ ૨૦૧૩ બાદથી તેના શેરમાં સૌથી વધુ ઘટાડો થયો છે. નેશનલ સ્ટોક એક્સચેંજમાં તેના શેરમાં આજે ૧૬.૬૫ ટકાનો ઘટાડો રહ્યો હતો જેથી તેના શેરની કિંમત ૬૪૦ રહી હતી. આ શેરમાં ઘટાડો થતાં કંપનીની માર્કેટ મૂડીમાંથી ૫૩૪૫૦.૯૨ કરોડનું ગાબડું પડ્યું હતું. આની સાથે જ તેની માર્કેટ મૂડી હવે ૨૭૬૩૦૦.૦૮ કરોડ થઇ ગઇ હતી. સેંસક્સ અને નિફ્ટી બંનેમાં ભારે ઉથલપાથલ રહી હતી. કંપનીના ૧૧૭.૭૦ લાખ શેરમાં બીએસઈમાં, ૯ કરોડ શેરમાં એનએસઈમાં કારોબાર થયો હતો. અહેવાલમાં જણાવવામાં આવ્યું છે કે, એક ગ્રુપ દ્વારા ફરિયાદ કરવામાં આવી છે કે, શોર્ટ ટર્મ રેવેન્યુ અને પ્રોફિટને વધારવા માટે ગેરરીતિ આચરવામાં આવી હતી.

(7:58 pm IST)
  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • " કમલેશ તિવારીને અમે મારી નાખ્યો ,હવે તારો વારો છે ": ઉત્તર પ્રદેશ નવનિર્માણ સેનાના અધ્યક્ષ અમિત જાનીને ધમકીપત્ર : પોલીસ તપાસ ચાલુ access_time 12:56 pm IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST