Gujarati News

Gujarati News

News of Tuesday, 22nd October 2019

કમલેશ તિવારીની માતાએ યોગી સરકાર પર નજરબંધ કરવાનો આરોપ લગાવ્યો

જો હું કંઈક કહીશ તો મારો હાલ પણ કમલેશ તિવારી જેવો જ થશે

લખનૌ :હિંદુ સમાજ પાર્ટીના રાષ્ટ્રીય અધ્યક્ષ કમલેશ તિવારીની રાખને વારાણસીના દશમશ્વમેધ ઘાટ પર ગંગામાં લીન કરી દીધી છે. કમલેશ તિવારીની માતા કુસુમ તિવારી અને પુત્ર મૃદુલ તિવારી કાશી પહોંચ્યા હતા અને તેમને ગંગામાં અસ્થિઓનું વિસર્જન કર્યું હતું. આ સમયગાળા દરમિયાન, મોટી સંખ્યામાં પોલીસ બંદોબસ્ત પણ તૈનાત કરવામાં આવ્યો હતો. અસ્થિઓનું વિસર્જન પછી કમલેશ તિવારીની માતા કુસુમ તિવારીએ યોગી સરકાર પર ગંભીર આક્ષેપો કર્યા.છે

 કમલેશ તિવારીની માતા કુસુમ તિવારીએ વારાણસીમાં મીડિયા સાથે વાત કરતાં કહ્યું કે તેમને નજરકેદ રાખવામાં આવ્યા છે. જો હું કંઈક કહીશ તો મારો હાલ પણ કમલેશ તિવારી જેવો જ થશે. કમલેશ તિવારીની માતાએ જણાવ્યું હતું કે મને પોલીસ સુરક્ષા હેઠળ કાશી લાવવામાં આવી છે. જેટલી પોલીસ મારી સુરક્ષામાં લગાવવામાં આવી છે, એટલી પોલીસ જો હત્યારાઓને શોધવામાં લગાવી હોત તો અત્યાર સુધીમાં હત્યારાઓ પકડાઈ ગયા હોત. આજે જેટલી પોલીસ અહીં હાજર છે, તેમાંથી ખાલી બે પોલીસવાળા પણ મારા દીકરા સાથે હોત તો આજે તેની મૌત ના થઇ હોત.

 તે જ સમયે, હિન્દુ સમાજ પાર્ટીના રાષ્ટ્રીય મહામંત્રી રાજેશ મણિ ત્રિપાઠીએ કમલેશ તિવારીની નિર્દય હત્યાને હુમલો ગણાવતા સરકારને અલ્ટીમેટમ આપ્યું હતું. તેમને કહ્યું કે જો સરકાર હત્યારાઓને 2 દિવસની અંદર પકડશે નહીં તો સમગ્ર હિન્દુ સમાજ પાર્ટીના કાર્યકરો રસ્તાઓ પર ઉતરીને આંદોલન કરશે. રાજેશ મણિ ત્રિપાઠીએ આ સમયગાળા દરમિયાન સરકાર અને વહીવટની કામગીરી પર ઘણા ગંભીર આક્ષેપો કર્યા હતા.

(12:10 pm IST)
  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • હેલમેટ મુદ્દે પુડુચેરીના મુખ્યમંત્રી વી.નારાયણ અને ઉપ રાજ્યપાલ કિરણ બેદી આમને સામને : ચૂંટણી પ્રચાર સમયે હેલમેટ પહેર્યા વગર સ્કૂટર ઉપર ફરતા મુખ્યમંત્રીનો ફોટો કિરણ બેદીએ ટ્વીટર ઉપર શેર કર્યો : મુખ્ય મંત્રીએ કોઈના સ્કૂટર ઉપર હેલમેટ પહેર્યા વિના પાછળ બેઠેલા કિરણ બેદીનો ફોટો શેર કર્યો access_time 11:54 am IST

  • રાજયપાલશ્રી આચાર્ય દેવવ્રત કાલે દ્વારકાની મુલાકાતે : દેવભૂમિ દ્વારકા તા ૨૨ : ગુજરાત રાજયના મહામહિમ રાજયપાલ શ્રી આચાર્ય દેવવ્રત આગામી તા.૨૩ના દ્વારકાની મુલાકાતે આવનાર છે. રાજયપાલશ્રી સવારે ૯.૧૦ થી ૧૦.૦૦ દરમ્યાન દ્વારકાધીશ મંદિરની મુલાકાત લેશે, ત્યારબાદ ૧૧.૦૦ કાલકે રાજયપાલશ્રી કોસ્ટગાર્ડ, દ્વારકાની મુલાકાત લેશે. access_time 11:26 am IST