Gujarati News

જહોનિસબર્ગઃ દક્ષિણ આફ્રિકાના આગેવાને સ્થાનિક ભારતીયોની પ્રશંસા કરી છે. તેમણે જણાવ્યું હતું કે મહાત્મા ગાંધીના વખતથી ભારતીયો રંગભેદ વિરૂધ્ધ સહકાર આપી રહ્યા છે. એટલું જ નહિં દેશની આઝાદી માટે પણ તેમણે ભોગ આપ્યો છે. વર્તમાન સમયમાં પણ અહીં  વસતા ભારતના વતનીઓનું દેશના અર્થતંત્રમાં મહત્વનું પ્રદાન છે. તેમજ ભ્રષ્ટાચાર નાબુદી અભિયાનમાં પણ તેમનો મહત્વનો સહયોગ છે.

ઉલ્લેખનીય છે કે સાઉથ આફ્રિકામાં ૧૪ લાખ જેટલા ભારતીયો વસે છે. જ્યાં તાજેતરમાં યોજાયેલા જહોનિસબર્ગ ખાતેના તામિલ સંઘ આયોજીત કાર્યક્રમમાં પ્રાંત પ્રમુખ ડેવિડ મખુરાએ ભારતીયોની પ્રશંસા કરી હતી.