News of Friday, 22nd September 2023
નવી દિલ્હી, તા.૨૨: અરુણાચલ પ્રદેશના ત્રણ વુશુ ખેલાડીઓને એશિયન ગેમ્સમાં જવા દેવાયા બાદ ભારતે ચીનને જડબાતોડ જવાબ આપ્યો છે. ચીન સામે જોરદાર વિરોધ વ્યક્ત કરવા ઉપરાંત રમતગમત અને યુવા બાબતોના પ્રધાન અનુરાગ ઠાકુરે એશિયન ગેમ્સ માટે તેમની ચીનની મુલાકાત પણ રદ કરી હતી. આ મામલે વિદેશ મંત્રાલયના પ્રવક્તા અરિંદમ બાગચીએ કહ્યું કે ભારત સરકારને ખબર પડી છે કે ચીની સત્તાવાળાઓએ પૂર્વ નિર્ધારિત રીતે અરુણાચલ પ્રદેશના કેટલાક ભારતીય ખેલાડીઓને માન્યતા અને પ્રવેશથી વંચિત રાખીને તેમની સાથે ભેદભાવ કર્યો છે. ચીનના હાંગઝોઉમાં ૧૯મી એશિયન ગેમ્સ યોજાશે. વંશીયતાના આધારે ભારતીય નાગરિકો સાથે ભેદભાવપૂર્ણ વ્યવહારને ભારત ભારપૂર્વક નકારે છે. અરુણાચલ પ્રદેશ ભારતનો અભિન્ન અને અવિભાજ્ય અંગ હતો, છે અને રહેશે.
વિદેશ મંત્રાલયના પ્રવક્તાએ વધુમાં જણાવ્યું હતું કે, ઙ્કચીન દ્વારા અમારા કેટલાક ખેલાડીઓની ઇરાદાપૂર્વક અને પસંદગીયુક્ત અટકાયત સામે નવી દિલ્હીએ બેઇજિંગ સમક્ષ સખત વિરોધ નોંધાવ્યો છે. ચીનની કાર્યવાહી એશિયન ગેમ્સની ભાવના અને તેમના આચરણને નિયંત્રિત કરતા નિયમો બંનેનું ઉલ્લંઘન કરે છે. આ ઉપરાંત, ચીનની કાર્યવાહી સામે અમારા વિરોધના ચિﾎ તરીકે, ભારતના માહિતી અને પ્રસારણ અને યુવા બાબતો અને રમતગમત મંત્રી અનુરાગ ઠાકુરે તેમની ચીનની નિર્ધારિત મુલાકાત રદ કરી છે.
તમને જણાવી દઈએ કે ભારતના ત્રણ વુશુ ખેલાડીઓ ન્યામાન વાંગસુ, ઓનિલુટેગા અને મેપુંગ લામગુ ચીને એશિયન ગેમ્સમાં પ્રવેશ નકાર્યો છે. ત્રણેય ભારતીય ખેલાડીઓ અરુણાચલ પ્રદેશના છે. ૭ અન્ય ખેલાડીઓ અને સ્ટાફ સહિત ભારતીય વુશુ ટીમના બાકીના સભ્યો હોંગકોંગ જવા રવાના થયા હતા અને ત્યાંથી ચીનના હાંગઝોઉ ગયા હતા. ગયા બુધવાર, ૨૦ સપ્ટેમ્બર, જ્યારે ટીમ ચીન જવા રવાના થઈ ત્યારે અરુણાચલ પ્રદેશના ખેલાડીઓને પ્લેનમાં ચઢવાની મંજૂરી આપવામાં આવી ન હતી કારણ કે ત્યાં ર્બોડિંગ માટે યોગ્ય ક્લિયરન્સ ન હતું.
ત્યારબાદ ખેલાડીઓને નવી દિલ્હીના જેએલએન સ્ટેડિયમ ખાતે સ્પોર્ટ્સ ઓથોરિટી ઓફ ઈન્ડિયા હોસ્ટેલમાં પરત લાવવામાં આવ્યા હતા. આ મામલો એશિયન ગેમ્સ ઓર્ગેનાઈઝિંગ કમિટી અને OCA (ઓલિમ્પિક કાઉન્સિલ ઑફ એશિયા) સમક્ષ પણ ઉઠાવવામાં આવ્યો છે. વુશુ ઈવેન્ટ ૨૪ સપ્ટેમ્બરથી શરૂ થઈ રહી છે. અગાઉ જુલાઈ મહિનામાં યોજાયેલી યુનિવર્સિટી ગેમ્સ દરમિયાન ત્રણેય ખેલાડીઓને સ્ટેમ્પ વિઝાને બદલે સ્ટેપલ વિઝા આપવામાં આવ્યા હતા. તેના વિરોધમાં ભારતે તેની આખી રેસલિંગ ટીમને ઈવેન્ટમાંથી પાછી ખેંચી લીધી હતી. ચીન અરુણાચલ પ્રદેશને દક્ષિણ તિબેટ તરીકે ઓળખે છે અને તાજેતરમાં વ્યૂહાત્મક સરહદી રાજ્યમાં સ્થાનો અને ભૌગોલિક વિશેષતાઓ માટે પોતાના નામોની યાદી જાહેર કરી છે. હાલમાં જ બેઈજિંગ દ્વારા બહાર પાડવામાં આવેલા નકશામાં અરુણાચલ પ્રદેશને પણ ચીનની સરહદમાં દર્શાવવામાં આવ્યું હતું. આ નકશાને ભારત અને અન્ય ઘણા દેશોએ નકારી કાઢયો હતો. ત્રણ વુશુ ખેલાડીઓ - ન્યમાન વાંગસુ, ઓનિલુટેગા અને મેપુંગ લામગુ - ગુએ હાંગઝોઉ એશિયન ગેમ્સ ઓર્ગેનાઈઝિંગ કમિટી (HAGOC) તરફથી તેમના માન્યતા કાર્ડ -ાપ્ત કર્યા, જે એન્ટ્રી વિઝા તરીકે પણ કામ કરે છે. રમતવીરોએ તેમના પ્રવાસ દસ્તાવેજો ડાઉનલોડ કરવા જરૂરી છે. જો કે, ત્રણેય ખેલાડીઓ તેમના પ્રવાસ દસ્તાવેજો ડાઉનલોડ કરી શકયા ન હતા. એક ભારતીય અધિકારીએ જણાવ્યું હતું કે, એથ્લેટ્સને એકવાર આયોજક સમિતિ તરફથી માન્યતા કાર્ડ મળ્યા પછી, તેનો અર્થ એ થયો કે તેઓને એશિયન ગેમ્સમાં જવા માટે મંજૂરી આપવામાં આવી હતી. પરંતુ આશ્ચર્યજનક રીતે, ફક્ત આ ત્રણ એથ્લેટ્સ તેમના દસ્તાવેજો ડાઉનલોડ કરી શકયા ન હતા અને તેઓ ફ્લાઇટમાં બેસી શકયા ન હતા.
.png)
છેલ્લા 8 દિવસમાં સૌથી લોકપ્રિય
સૌરાષ્ટ્ર કચ્છ
સમાચાર ગુજરાત
દેશ-વિદેશ
ખેલ-જગત
ફિલ્મ જગત