Gujarati News

નવી દિલ્‍હી તા. ૨૨ : સનાતન ધર્મને લઈને વિવાદાસ્‍પદ ટિપ્‍પણી કરવાના મામલે સુપ્રીમ કોર્ટે તમિલનાડુ સરકારના મંત્રી અને રાજયના મુખ્‍યમંત્રી એમકે સ્‍ટાલિનના પુત્ર ઉધયનિધિ સ્‍ટાલિનને નોટિસ પાઠવી છે. તેમના સિવાય સુપ્રીમ કોર્ટે તમિલનાડુ સરકાર, એ રાજા, સીબીઆઈ અને અન્‍ય પક્ષકારોને પણ નોટિસ પાઠવી છે. જો કે, સુપ્રીમ કોર્ટે ઉધયનિધિના નિવેદનને નફરતપૂર્ણ ભાષણ ગણવાનો ઇનકાર કર્યો છે. કોર્ટે આ અરજીની સંજ્ઞાન લઈને આ નોટિસો જારી કરી છે, જેમાં સનાતન ધર્મને લઈને દ્વેષપૂર્ણ નિવેદનો દ્વારા હિન્‍દુઓની ભાવનાઓને ઠેસ પહોંચાડવા બદલ ઉપરોક્‍ત તમામ વિરૂદ્ધ FIR નોંધવાની માંગ કરવામાં આવી છે.

સુપ્રીમ કોર્ટે કહ્યું કે તે આ કેસની સાથે અપ્રિય ભાષણ પર પડતર અન્‍ય અરજીઓ સાથે સુનાવણી કરશે. ચેન્નાઈના એક વકીલે તામિલનાડુમાં સનાતન ધર્મ વિરૂદ્ધ થઈ રહેલા કાર્યક્રમોને ગેરબંધારણીય જાહેર કરવાની માંગ કરતી અરજી દાખલ કરી છે.

સર્વોચ્‍ચ અદાલતે ઉધયનિધિ સ્‍ટાલિનની સાથે ડીએમકેના સાંસદ એ રાજા, સાંસદ તિરુમાવલવન, સાંસદ સુ વેંકટેશન, તમિલનાડુ ડીજીપી, ગ્રેટર ચેન્નાઈ પોલીસ કમિશનર, કેન્‍દ્રીય ગૃહ મંત્રાલય, હિંદુ ધાર્મિક અને ચેરિટેબલ એન્‍ડોમેન્‍ટ્‍સ વિભાગના મંત્રી પીકે શેખર બાબુ, તમિલનાડુ રાજય લઘુમતી આયોગ સામે ગુનો નોંધ્‍યો છે. ચેરમેન પીટર આલ્‍ફોન્‍સ અને અન્‍યોને પણ નોટિસ પાઠવવામાં આવી છે.

ચેન્નાઈના એક વકીલે તામિલનાડુમાં સનાતન ધર્મ વિરૂદ્ધ આયોજિત કાર્યક્રમોને ગેરબંધારણીય જાહેર કરવાની માંગ કરતી અરજી દાખલ કરી છે. ઉદયનિધિ સ્‍ટાલિન મુખ્‍યમંત્રી એમકે સ્‍ટાલિનના પુત્ર છે. તેઓ તમિલનાડુના રમતગમત અને યુવા કલ્‍યાણ મંત્રી પણ છે. તેમની પાર્ટીનું નામ ડીએમકે છે.