Gujarati News

Gujarati News

News of Tuesday, 22nd September 2020

ઠંડીનો પ્રકોપ શરૃઃ બન્ને લશ્કરના જવાનો બિમાર પડવા લાગ્યા

ચીનાઓનો ભરોસો કેટલો કરવો! પાકિસ્તાનની જેમ જ વારેવારે બોલીને ફરી જાય છેઃ સમજુતી પછી પાછા ઘુસી નહિ જાય તેની ખાત્રી શું ? : ૮ વિવાદીત સ્થળો ભયાનક શિયાળામાં હજારો સૈનીકો માટે ટકી રહેવાની યોજનાઓ શરૃઃ ૬ ઠ્ઠા તબકકાની મંત્રણાઓ નિષ્ફળ

જમ્મુઃ (સુરેશ ડુગ્ગર દ્વારા) લદાખ સરહદે હિન્દ-ચીન  લશ્કરી જનરલો વચ્ચે ૬ઠ્ઠા તબકકાની મંત્રણાઓ નિષ્ફળ ગઇ છે. ભારતને હવે કોઇ આશા નથી કે ચીની સૈનીકો લડાખમાં વિવાદીત વિસ્તારોમાંથી પાછા હટી જશે. હવે લાઇન એટ કંટ્રોલ ઉપર આવી રહેલ ભયાનક શિયાળા સહિત લાંબો  સમય હજારોના લશ્કર માટે ટકી રહેવા અને શિયાળાથી બચવા માટે મોટી યોજનાની તૈયારી અનિવાર્ય બની છે.

સંરક્ષણ સુત્રોના કહેવા મુજબ ચીની સૈનીકોની વાપસી બે મુદે અટકી છે. પ્રથમ તો પહેલ કોણ કરે  ? ૬ઠ્ઠા તબકકાની મંત્રણામાં ભારતીય અધિકારીઓનું કહેવુ છે સીમા સમજુતીનો ચીની સેનાએ ભંગ કર્યો છે. તો પ્રથમ પાછા તેઓ હટે.

બીજો મહત્વનો મુદો એ છે કે એ વાતની શું ગેરંટી છે કે ચીની લશ્કર લડાખના વિસ્તારોમાં ઘુસીને ફરી વિવાદ નહિ સર્જે. છેલ્લા ઘણા વર્ષોથી પાકિસ્તાનની જેમ જ ચીન પણ હવે થયેલ સમજુતીનું પાલન કરતી નથી.

ભારતીય અધિકારીઓએ ચીનાઓને કહી દીધુ છે કે પેંગોંગ લેઇક સહિત સરહદ ઉપર તમામ સ્થાનો ઉપર એપ્રિલની જે સ્થિતિ હતી તે પુનઃ સ્થાપીત કરે અને ચીની સેનાને પરત ખેંચી લ્યે..

ભારત તરફથી ૧૪મી કોર કમાન્ડર પ્રમુખ લેફટન્ટ જનરલ હરિંદર સિંહે નેતૃત્વ કરેલ. તેમની સાથે લેફ જનરલ મેનન સામેલ રહેલ. હવે હરિંદર સિંહના સ્થાને લેફ જનરલ મેનન ઓકટોબરમાં આવશે.

આ સ્થિતિમાં લડાખના લગભગ ૮ વિવાદીત ક્ષેત્રોમાં ભારતીય સેનાએ ભયાનક શિયાળુ ઠંડીમાં ટકી રહેવા યોજના તુરત લાગુ કરવા માંડી છે.

દરમિયાન ઠંડીનો પ્રકોપ શરૂ થઇ ગયો છે અને નકકર ઉપાયોના અભાવે બંને લશ્કરના અનેક જવાનો બિમાર પડવા લાગ્યા છે.

(3:55 pm IST)
  • સહકારી બેન્કો હવે રીઝર્વ બેન્કના પંજામાં : ખરડો પસાર :સહકારી બેન્કો હવે રીઝર્વ બેન્કના ભરડામાં : રિઝર્વ બેન્કની નજર હેઠળ સહકારી બેન્કોને આવરી લેતા ખરડાને રાજયસભામાં મંજૂરી આપવામાં આવી છે. આ ખરડાનો હેતુ બેન્કમાં ખાતાધારકોના હિતોની રક્ષા કરવાનું છે. આ વિધેયકને રાજયસભામાં ધ્વનીમતથી પસાર કરવામાં આવેલ. લોકસભામાં ૧૬ સપ્ટેમ્બરે આ ખરડો પસાર થઈ ગયો હતો. હવે આ ખરડો કાનુન બન્યા પછી જાહેરનામાની જગ્યા લેશે. રીઝર્વ બેન્કના માધ્યમથી સહકારી બેન્કો સહિત સમગ્ર બેન્કીંગ વ્યવસ્થાને સુવ્યવસ્થિત કરવાનો હેતુ છે access_time 3:53 pm IST

  • લડાખ સરહદે વધુ સૈનિકો મોકલવાનું બંધ કરવા ચીન અને ભારત વચ્ચે સમજૂતી : ચીન અને ભારત બંને સરહદ ઉપર, ફ્રન્ટ લાઈન ઉપર, વધુ સૈનિકો મોકલવાનું બંધ કરવા, જમીન પરની હાલની પરિસ્થિતિ એકતરફી નહિ બદલવા, અને પરિસ્થિતિને જટિલ બનાવી શકે તેવા કોઈપણ પગલાં લેવાનું ટાળવા માટે સહમત થયા હોવાનું ચીનના રાષ્ટ્રીય સંરક્ષણ મંત્રાલયના પ્રવક્તાએ જણાવ્યુ છે. ચીન અને ભારત બંને દેશોનું સત્તાવાર સંયુક્ત નિવેદન ટૂંક સમયમાં જાહેર થશે. access_time 11:59 pm IST

  • ચાઈના : બેઇજિંગના બે જિલ્લામાં ઢગલાબંધ પ્રચંડ વિસ્ફોટ : ૧૦૦ ફાયર ફાઈટર સ્થળ ઉપર : ચીનની રાજધાની બેઇજિંગના બે જિલ્લામાં સંખ્યાબંધ વિસ્ફોટો થયાના અહેવાલ મળે છે. એનટીડી ના અહેવાલ મુજબ વિસ્ફોટના સ્થળ ઉપર ૧૦૦ થી વધુ ફાયર ફાઇટર જોવા મળ્યાના અહેવાલ આવે છે. access_time 12:10 am IST