Gujarati News

Gujarati News

News of Tuesday, 22nd September 2020

NCB મોકલી શકે સમન્સ

ડ્રગ ચેટમાં મોટો ખુલાસોઃ D મતલબ દીપિકા પાદુકોણ

નવી દિલ્હી,તા.૨૨: સુશાંત સિંહ રાજપૂત કેસમાં એનસીબીની તપાસ ચાલી રહી છે અને આ તપાસમાં બોલીવુડના ઘણા સિતારાના નામ સામે આવી રહ્યાં છે. શ્રદ્ઘા કપૂર, રકુલ પ્રીત સિંહ અને સારા અલી ખાન બાદ હવે બોલીવુડની ટોપ અભિનેત્રી દીપિકા પાદુકોણનું નામ પણ આ તપાસમાં સામે આવ્યું છે.

હકીકતમાં એનસીબીની આ ઈન્વેસ્ટિગેશનમાં જયા સાહાની મેનેજર કરિશ્મા પાસેથી દીપિકા પાદુકોણની વાતચીતના ચેટ સામે આવ્યા છે. જયા સાહા સુશાંત સિંહ રાજપૂતની ટેલેન્ટ મેનેજર હતી જેની એનસીબીએ આજે પૂછપરછ કરી હતી. જયાની વોટ્સએપ ચેટમાં આ પહેલા શ્રદ્ઘા કપૂરનું નામ પણ સામે આવ્યું હતું. જે જયા પાસે સીબીડી ઓઇલ માગી રહી હતી.

બોલીવુડ ડ્રગ્સ મામલાની તપાસ કરી રહેલા એનસીબીના એક અધિકારીએ કહ્યું કે, તપાસ દરમિયાન બોલીવુડ અભિનેત્રી દીપિકા પાદુકોણનું નામ પણ સામે આવ્યું છે. દીપિકા પાદુકોણનું એક ચેટ પણ મળ્યું છે. જેમાં દીપિકા જયા શાહની કંપની કવાનની મેનેજર કરિશ્મા સાથે વાત કરી રહી છે. આ મામલામાં હવે કરિશ્માને એનસીબી સમન મોકલીને પૂછપરછ માટે બોલાવી છે. એનસીબીના અધિકારી પ્રમાણે જયા શાહ અને કરિશ્માવચ્ચે ડ્રગને લઈને કેટલાક ચેટ મળ્યા છે. મહત્વનું છે કે કવાન કંપનીનો ઘણા મોટા બોલીવુડ અભિનેતા-અભિનેત્રી સાથે કોન્ટ્રાકટ રહ્યો છે જેમાં દીપિકાનું નામ પણ સામેલ છે.

મહત્વનું છે કે જયાના મોબાઇલથી રિટ્રીવ થયેલા ડેટાથી જાણવા મળ્યું છે કે બોલીવુડ સેલેબ્સ તેને સીબીડી ઓઇલ અને ડ્રગ્સ વિશે પૂછતા હતા. માનવામાં આવી રહ્યું છે કે રિયા બાદ જયા સાહા બોલીવુડના ડ્રગ્સ કાર્ટલને લઈને મહત્વની લિંક હોઈ શકે છે. આ પહેલા રિયા અને જયા સાહાની ચેટને ઈડીએ રિટ્રીવ કરી હતી, જેમાં જયાએ રિયાને કહ્યું હતું કે, સુશાંતને સીબીડી ઓઈલના કેટલાક ટીપા આપવામાં આવે જે ૩૦-૪૦ મિનિટમાં અસર દેખાડશે. ત્યારબાદ જયાની ઈડીએ પૂછપરછ કરી હતી. જયાએ ઈડી સામે પોતાના નિવેદનમાં કહ્યું હતું કે, તેણે કયારેય સીબીડી ઓઇલ જેવી કોઈ વસ્તુ સપ્લાઈ કરી નથી.

(11:45 am IST)
  • સારા સમાચાર : ભારતમાં પૂનાની સસૂન જનરલ હોસ્પિટલમાં ઓક્સફર્ડ ની કોવીડ -19 રસીના ત્રીજા ચરણનું માનવ તબીબી પરીક્ષણ શરૂ કરાયું. access_time 11:20 pm IST

  • શાળાઓમાં શિક્ષકોની દસ લાખ જગ્યાઓ ખાલી પડી છે : દેશની શાળાઓમાં શિક્ષકોની 10 લાખથી વધુ જગ્યા ખાલી હોવાનું કેન્દ્રીય માનવ સંસાધન વિકાસ પ્રધાન શ્રી નિશંકે લોકસભામાં જણાવ્યું હતું. access_time 12:03 am IST

  • રાજ્યસભાના સાંસદોના ધરણાં ખતમ : વિરોધ પક્ષો સંસદનો બહિષ્કાર કરશે : જ્યાં સુધી 8 સભ્યોનું સસ્પેન્સન ચાલુ રહેશે ત્યાં સુધી વિરોધ પક્ષો સંસદમાં હાજરી નહીં આપે : વિરોધ પક્ષના નેતા ગુલામ અબી આઝાદની ઘોષણાં access_time 11:56 am IST