Gujarati News

Gujarati News

News of Tuesday, 22nd September 2020

ધરણાં પર બેઠેલા સાંસદોને મળવા પહોંચ્યા ઉપસભાપતિ હરિવંશઃ ચા પણ પીવડાવી

નવી દિલ્હી, તા.૨૨: રાજયસભામાંથી સસ્પેન્ડ આઠેય સાંસદ આખી રાત ગાંધી પ્રતિમાની સામે ધરણા પર બેસી રહ્યા. તેમને સભાપતિ વેંકૈયા નાયડુએ રવિવારના રોજ ગૃહમાં હોબાળો કરવા અને ઉપસભાપતિ હરિવંશ સાથે ખરાબ વર્તન કરવા પર સસ્પેન્ડ કર્યા હતા.

સોમવારે બપોરથી ધરણા કરી રહેલા સાંસદોને મળવા મંગળવાર વહેલી સવારે ખુદ ડેપ્યુટી ચેરમેન હરિવંશ પહોંચ્યા. ત્યાં પોતાની સાથે એક થેલી લાવ્યા હતા જેમાં સાંસદો માટે ચા હતી. હરિવંશે પોતાના હાથે ચા કાઢી અને સાંસદોને પીવડાવી.

તેમણે આ સાંસદોની સાથે ખૂબ જ ઉષ્માભેર વાતો કરી, જેમાંથી કેટલાંકનો વ્યવહાર રવિવારના રોજ તેમના પ્રત્યે સારો નહોતો.

(10:29 am IST)
  • ચીનમાં માનવ અધિકારની ઐસી કઈ તૈસી : જિનપીંગને જોકર કહેનાર રિયલ એસ્ટેટના માંધાતાને અઢાર વર્ષની જેલ સજા :ચીનના રાષ્ટ્રપતિ શી જિનપિંગને 'શી જોકર' અને શી જિનપિંગે લીધેલા કોરોના સામેના પગલાઓની આકરી ઝાટકણી કાઢનાર, ચીનના રિયલ એસ્ટેટના બાદશાહ ગણાતા રેન શીકવીઆંગને અઢાર વર્ષની જેલ સજા ફટકારવામાં આવી છે. તેમના ઉપર ભ્રષ્ટાચારના આરોપો મુકવામાં આવ્યા હતા. access_time 3:54 pm IST

  • મુંબઈમાં અત્યારે મોડી રાત્રે પણ ભારે વરસાદ ચાલુ છે. વીજળીની ગાજવીજ અને કડાકા-ભડાકા વચ્ચે જોરદાર વરસાદ પડી રહ્યો છે. આજે અને કાલે ભારે વરસાદની આગાહી છે. access_time 11:51 pm IST

  • કાલે નરેન્દ્રભાઇ કોરોનાથી સૌથી વધુ પ્રભાવિત સાત રાજયોના મુખ્યમંત્રી સાથે વર્ચ્યુઅલ મીટિંગ કરશે : આ મીટિંગમાં મહારાષ્ટ્ર, આંધ્રપ્રદેશ, કર્ણાટક, ઉત્તરપ્રદેશ, તામિલનાડુ, દિલ્હી અને પંજાબના મુખ્યમંત્રીઓ રહેશે હાજર access_time 3:05 pm IST