Gujarati News

નવી દિલ્હી, તા.૨૨: દેશની રાજધાની દિલ્હીના મહરોલીમાં હચમચી જવાય તેવી ઘટના બની છે. અહીં એક વ્યકિતએ પોતાના આખા પરિવારને મોતને દ્યાટ ઉતારી દીધો. માહિતી પ્રમાણે, ઉપેન્દ્ર શુકલા નામના વ્યકિતએ પત્ની અને ત્રણ બાળકોની નિર્દયતાથી હત્યા કરી નાખી. ૪૨ વર્ષનો ઉપેન્દ્ર ટ્યૂશન કરાવે છે. તેણે પત્ની રિંકુ શુકલા અને ત્રણ બાળકોને મોતને દ્યાટ ઉતાર્યા.

ઉપેન્દ્રના સંતાનોમાં બે દીકરીઓ અને એક દીકરો હતો. મોટી દીકરી ૬ વર્ષની જયારે દીકરો પાંચ વર્ષનો અને સૌથી નાની દીકરી માત્ર બે મહિનાની હતી. ઉપેન્દ્રે ચિઠ્ઠી લખીને હત્યાનો ગુનો કબૂલ્યો. જો કે, હત્યા કેમ કરી તેનું કારણ હજુ સુધી જણાવ્યું નથી.

સાઉથ દિલ્હીના ડીસીપીએ જણાવ્યું કે, આરોપી ઉપેન્દ્રની ધરપકડ કરી લેવામાં આવી છે અને પૂછપરછ ચાલુ છે. ઉપેન્દ્રએ પત્ની અને ત્રણેય બાળકોના ગળા પર પ્રહાર કર્યો હતો. પોલીસે હત્યામાં વપરાયેલું ચપ્પુ કબ્જે કર્યું છે. જે ઘરમાં ચાર લોકોની હત્યા થઈ ત્યાં જ આરોપીની માતા પણ રહે છે. માતાએ જોયું કે ઉપેન્દ્ર દરવાજો નથી ખોલતો ત્યારે તેણે પાડોશીને બોલાવ્યા. ત્યારબાદ તેમણે પોલીસને જાણ કરી. પોલીસે દ્યટનાસ્થળે પહોંચીને આરોપીને ઝડપી પાડયો.

ડીસીપીએ જણાવ્યું, ઉપેન્દ્રની પત્ની ડાયાબિટીસથી પીડાતી હતી. આસપાસના લોકોએ જણાવ્યું કે, આરોપી ઉપેન્દ્ર થોડા સમયથી ડિપ્રેશનમાં હતો. ઉપેન્દ્રએ પોતે પણ ડિપ્રેશનમાં હોવાનું સ્વીકાર્યું છે. ત્યારે આશંકા છે કે ડિપ્રેશન અને આર્થિક તંગી હત્યાનું કારણ હોઈ શકે છે.