Gujarati News

Gujarati News

News of Friday, 22nd June 2018

લોકસભા ચૂંટણી પૂર્વે કોંગ્રેસ એક્શન મૂડમાં :પાર્ટીમાં ધરખમ ફેરફાર:5 રાજ્યોમાં સ્ક્રીનિંગ કમિટીની રચના

મલ્લિકાર્જુન ખડગેને મહારાષ્ટ્ર અને મધુસૂદન મિસ્ત્રીને મધ્યપ્રદેશની જવાબદારી : જેડી સીલમન અને મહેન્દ્ર જોશીને સચિવ અને શશિકાંત શર્માને સંયુક્ત સચિવ નિયુક્ત

નવી દિલ્હી :લોકસભાની ચૂંટણી પહેલા કોંગ્રેસ એક્શન મૂડમાં આવી છે પાર્ટીમાં મોટા ફેરફાર કરાયા છે ઉપરાંત વર્ષે જે રાજ્યોમાં વિધાનસભાની ચૂંટણી યોજાનાર છે તેવા રાજ્યમાં સ્ક્રીનિંગ કમિટીની રચના કરાઈ છે કોંગ્રેસ અધ્યક્ષ રાહુલ ગાંધીએ પાર્ટીની જવાબદારીમાં મોટુ પરિવર્તન કરતા વરિષ્ઠ નેતા મલ્લિકાર્જુન ખડગેને મહારાષ્ટ્ર કોંગ્રેસની જવાબદારી સોંપી છે. જ્યારે જેડી સલેમન અને મહેન્દ્ર જોશીને પણ મોટી જવાબદારી સોંપી છે. રાહુલે જેડી સીલમન અને મહેન્દ્ર જોશીને ઓલ ઇન્ડિયા કોંગ્રેસ કમિટીના સચિવ બનાવ્યા છે,જયારે શશિકાંત શર્માને સંયુક્ત સચિવ નિયુક્ત કર્યા છે

  કોંગ્રેસે મધ્યપ્રદેશ, છત્તીસગઢ, રાજસ્થાન, ઓરિસ્સા અને મિઝોરમમાં સ્ક્રીનિંગ કમિટીની રચના કરી છે.જેમાં પુર્વ કેન્દ્રીય મંત્રી કુમારી શૈલજાને રાજસ્થાન, મધુસૂદન મિસ્ત્રીને મધ્યપ્રદેશ, ભુવનેશ્વર કલિતાને છત્તીસગઢની કમિટીના અધ્યક્ષ બનાવવામાં આવ્યા છે. લલિતેશ્વર ત્રિપાઠી અને શાકિર સનાદિને રાજસ્થાનની સમિતીના સભ્ય નિયુક્ત કરવાામાં આવ્યા છે. પ્રકારે નીતા ડિસૂજા અને અજય કુમાર લાલુને મધ્યપ્રદેશ, રોહિત ચોધરી અને અશ્વિન કોતવાલને છત્તીસગઢની કમિટીનાં સભ્ય બનાવવામાં આવ્યા છે

  વીડી સતીશને ઓરિસ્સાની સ્ક્રીનિંગ કમિટીનાં અધ્યક્ષ, જીતન પ્રસાદ અને નૌશાદ સોલંકીને સભ્ય બનાવવામાં આવ્યા છે. લુઇજિન્હો ફ્લેરિયોને મિઝોરમની કમિટીનાં અધ્યક્ષ નિયુક્ત કરવામાં આવ્યા છે

  અત્રે ઉલ્લેખનીય છે કે, રાહુલ ગાંધીએ જ્યારથી કોંગ્રેસનું સુકાન સંભાળ્યુ છે ત્યારથી કેટલાક પરિવર્તનો ચાલુ કર્યા છે. જેમાં યુવાનોને ખાસ તક આપવાની સાથે વર્ષોથી એકનાં એક પદ પર બેઠેલા કદ્દાવર નેતાઓએ કદ એટલા વેતરી પણ નાખવામાં આવ્યા છે. અને નવા નેતાઓને તક આપવામાં આવી રહી છે

(10:31 pm IST)
  • રણવીર-દીપિકા 10 નવેમ્બરે કરશે લગ્ન? : મુંબઇમાં વહેતી થયેલી વાતો અનુસાર દીપિકા પાદુકોણ અને રણવીર સિંહ 10 નવેમ્બર, 2018ના રોજ લગ્ન કરશે. આ એક ડેસ્ટિનેશન વેડિંગ હશે. જેમાંનું એક ફંક્શન દીપિકાના હોમટાઉન બૅન્ગલોરમાં યોજાશે. બન્નેનાં લગ્ન દક્ષિણ ભારતીય પરંપરા પ્રમાણે થશે. થોડા દિવસ પહેલાં દીપિકા પોતાની મમ્મી સાથે મુંબઈની એક દુકાનમાં જોવા મળ્યા બાદ ફરી એક વાર તેમનાં લગ્નની ચર્ચાએ જોર પકડ્યું છે. access_time 5:44 pm IST

  • કુંવરજીભાઈ દિલ્હીમાં: રાહુલને મળ્યાઃ ધારાસભ્ય કુંવરજીભાઈ બાવળીયા આજે દિલ્હીમાં રાહુલ ગાંધીને મળી ગુજરાતની રાજનીતિ સંગઠન મુદ્દે અને આગામી વર્ષે યોજાનાર લોકસભાની ચૂંટણી અંગે ચર્ચા કરી : કુંવરજીભાઈએ આગામી ૨૪મીના રવિવારે સંમેલન બોલાવ્યુ છે access_time 3:35 pm IST

  • બોટાદ પંથકમાં વરસાદ ; પાળીયાદ,તરઘડા લાઠીદડ સહિતના ગામોમાં વરસાદ વરસ્યો ;મોડીસાંજે હવામાનમાં પલટો ;ધરતીપુત્રોમાં હરખની હેલી :ગરમીમાં રાહતથી લોકોમાં ખુશીનો માહોલ access_time 1:10 am IST