Gujarati News

Gujarati News

News of Tuesday, 22nd May 2018

પાકિસ્તાનનો આખી રાત મોર્ટારમારોઃ આઠ મહિનાના બાળકનું મોત

પોલીસ અધિકારી સહિત છ ઘાયલ : મુફતીએ ઘટના દુર્ભાગ્યપૂર્ણ ગણાવી : ભારતનો જડબાતોડ પ્રતિકાર

શ્રીનગર તા. ૨૨ : રમજાન મહિનામાં પણ પાકિસ્તાને વિકૃતિ ચાલુ રાખી છે. કાશ્મીર સરહદે આખી રાત મોર્ટાર મારો કર્યો હતો, જેમાં આઠ મહિનાના બાળકનું મૃત્યુ થયું હતું. એક પોલીસ અધિકારી સહિત છ લોકો ઘાયલ થયા છે.

જોકે ભારતીય સૈન્ય પણ જડબાતોડ જવાબ આપે છે. કાશ્મીરના મુખ્યમંત્રીએ પાકિસ્તાની વૃત્તિને દુર્ભાગ્યપૂર્ણ ગણાવી છે.

રમઝાન મહિનામાં પાકિસ્તાન પોતાની અવળચંડાઈમાંથી બહાર નથી આવી રહ્યું. છેલ્લા કેટલાક દિવસોથી પાકિસ્તાન બોર્ડર પર સતત સિઝફાયરનું ઉલ્લંઘન કરી રહ્યું છે. રવિવારે ભારતે કરેલી કાર્યવાહી બાદ પાકિસ્તાન બોખલાઈ ગયું છે.

બોર્ડર પર અરનિયા તેમજ આર.એસ. પુરા સેકટરમાં મોર્ટાર છોડી રહ્યું છે. પાકિસ્તાનની આ ફાયરિંગમાં આજે ૪ લોકો ઘાયલ થયા છે. તો આસપાસના પાંચ કિલોમીટર વિસ્તારમાં શાળાઓમાં રજા જાહેર કરી દેવામાં આવી છે.

મહત્વનું છે કે, રવિવારે ભારત દ્વારા કરવામાં આવેલા ફાયરિંગમાં પાકિસ્તાનના બંકરને નષ્ટ કરવામાં આવ્યા હતા. તે સમયે પાકિસ્તાન ફાયરિંગ બંદ કરવા માટે આજીજી કરી રહ્યું હતું. જે બાદ તેના તરફથી સતત ફાયરિંગ ચાલુ જ છે.(૨૧.૧૧)

(11:19 am IST)
  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST

  • રાજકોટ જીલ્લાના તમામ ગોડાઉન માલીકો મીટીંગ સાથે યોજતા કલેકટર.. : રાજકોટ જલ્લાના તમામ ૧૦૦ થી વધુ વેરહાઉસ - ગોડાઉન માલીકો મેનેજરોની મીટીંગ બોલાવતા કલેકટરઃ ખુલ્લામાં રહેલો માલ મગફળી, કઠોર સહિતની ચીજ વસ્તુઓ ગોડાઉનમાં સેફ રાખી લેવા સૂચનાઃ ચેકીંગ પણ કરાશે. access_time 4:04 pm IST

  • અરબી સમુદ્રમાં ડિપ્રેશન : ૪૮ કલાકમાં વાવાઝોડું સંભવ : ૧૫ જૂનથી ગુજરાતમાં ચોમાસુ સક્રિય થવાની સંભાવના access_time 11:36 am IST