Gujarati News

Gujarati News

News of Thursday, 22nd April 2021

૧ દિવસમાં ૩,૧૪,૮૩૫ કેસઃ ૨૧૦૪ મોતઃ વર્લ્ડ રેકોર્ડ તુટયો

ભારતમાં કોરોના વાયરસથી સ્થિતિ વિકરાળ બનીઃ સૌથી વધુ કેસનો રેકોર્ડ અમેરિકા પાસે હતોઃ હવે ભારતના નામે થઇ ગયો : દેશનો કુલ મૃત્યુઆંક ૧,૮૪,૬૫૭: કુલ કેસનો આંકડો ૧,૫૯,૩૦,૯૬૫: ૨૨,૯૧,૪૨૮ સારવાર હેઠળ

નવી દિલ્હી, તા.૨૨: ભારતમાં કોરોના વાયરસનો કેર સતત વધી રહ્યો છે. નવા કેસમાં રોકેટ ગતિથી વધારો થઈ રહ્યો છે આ બધા વચ્ચે ભારતમાં કોરોનાએ દૈનિક કેસ મામલે અત્યાર સુધીના તમામ રેકોર્ડ તોડી નાખ્યા છે. કેન્દ્રીય આરોગ્ય મંત્રાલયના જણાવ્યાં મુજબ છેલ્લા ૨૪ કલાકમાં ૩ લાખથી વધુ નવા કેસ નોંધાયા છે. કોરોનાની શરૂઆતથી લઇને આજ સુધી સૌથી વધુ કેસ ભારતમાં નોંધાયા છે. આ પહેલા આ રેકોર્ડ અમેરિકા પાસે હતો. ૮ જાન્યુ ૨૦૨૧ના રોજ ૩,૦૭૫૭૦ કેસ હતાં જયારે હવે ભારતમાં ૩૧૪૮૩૫ કેસ અને ૨૧૦૪નાં મોત નોંધાયા છે.

કેન્દ્રીય આરોગ્ય મંત્રાલયના જણાવ્યાં મુજબ છેલ્લા ૨૪ કલાકમાં ૩,૧૪,૮૩૫ નવા કોરોના દર્દીઓ નોંધાયા છે. આ સાથે કુલ કેસનો આંકડો ૧,૫૯,૩૦,૯૬૫ પર પહોંચી ગયો છે. જેમાંથી ૧,૩૪,૫૪,૮૮૦ લોકો કોરોનાને માત આપીને સાજા થયા છે. જયારે ૨૨,૯૧,૪૨૮ લોકો સારવાર હેઠળ છે. એક જ દિવસમાં કોરોનાએ ૨૧૦૪ લોકોનો ભોગ લીધો છે. આ સાથે કોરોનાથી કુલ મૃત્યુનો આંકડો ૧,૮૪,૬૫૭ પર પહોંચી ગયો છે. રસીકરણ અભિયાન હેઠળ ૧૩,૨૩,૩૦,૬૪૪ લોકોને અત્યાર સુધી કોરોનાની રસી આપવામાં આવી છે.

ભારતમાં કોવિડ-૧૯ના નવા કેસ પહેલીવાર ૩ લાખને પાર કરી ગયા અને અમેરિકાના દૈનિક કેસનો રેકોર્ડ પણ તોડ્યો. આ અગાઉ ૮ જાન્યુઆરીએ અમેરિકામાં સૌથી વધુ કોરોનાના કેસ ૩ લાખ ૭ હજાર ૫૮૧ નોંધાયા હતા.

ભારતમાં અમેરિકાથી પણ વધુ ઝડપથી નવા કેસની સંખ્યા વધી રહી છે અને ૧ લાખ દૈનિક કેસથી ૩ લાખ સુધી પહોંચવામાં ફકત ૧૭ દિવસનો સમય લાગ્યો છે.

આ દરમિયાન દૈનિક કેસની સંખ્યામાં પ્રતિદિન ૬.૭૬ ટકાની વૃદ્ઘિ થઈ છે. અમેરિકામાં ૧ લાખથી ૩ લાખ સુધી દૈનિક કેસ પહોંચવામાં ૬૭ દિવસનો સમય લાગ્યો હતો અને આ મામલે રોજનો વૃદ્ઘિ દર ૧.૫૮ ટકા હતો.

(10:57 am IST)
  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST

  • સુપ્રીમના ૪ જજને કોરોના વળગ્યો : સુપ્રીમકોર્ટના ૪ ન્યાયાધીશોને કોરોના પોઝિટિવ આવતા ભારે ચિંતાની લાગણી access_time 11:31 am IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST