Gujarati News

Gujarati News

News of Thursday, 22nd April 2021

દેશમાં કોરોનાની બીજી લહેર અને તેનું મેનેજમેન્ટ ‘મોદી નિર્મિત ત્રાસદી’ છે: મમતા બૅનર્જીનો પ્રહાર

પશ્ચિમ બંગાળમાં બંગાળ એન્જિન જ કામ કરશે, મોદીનું ડબલ એન્જિન નથી જોઈતું

કોલકતા : પશ્ચિમ બંગાળના મુખ્યમંત્રી મમતા બેનર્જીએ પ્રધાનમંત્રી મોદી પર પ્રહારો કરતા આરોપ લગાવ્યો હતો કે, દેશમાં કોરોનાની બીજી લહેર અને તેનું મેનેજમેન્ટ ‘મોદી નિર્મિત ત્રાસદી’ છે. અહીં એક ચૂંટણી રેલીને સંબોધન કરતા તૃણમૂલ કોંગ્રેસના અધ્યક્ષે દાવો કર્યો હતો કે, પશ્ચિમ બંગાળમાં બંગાળ એન્જિન જ કામ કરશે, મોદીનું ડબલ એન્જિન નથી જોઈતું.

તેમણે કહ્યુ હતું કે, કોરોનાની બીજી લહેર ખૂબ ઝડપી છે. હું તેને મોદી નિર્મિત ત્રાસદી કહીશ. ન તો ઈન્જેક્શન મળે છે અને ન તો ઓક્સિજન મળે છે. રસી અને દવા બહાર મોકલવામાં આવે છે, જ્યારે દેશમાં તેની કમી છે. તેમણે દાવો કર્યો હતો કે, આ ચૂંટણી પશ્ચિમ બંગાળમાં બચાવવા માટે અને બંગાળી માતાના સન્માનની લડાઈ છે

(12:00 am IST)
  • રાજકોટમાં ૩ નવી હોસ્પિટલો શરૂ થવા આડે ઓકિસજનનું ગ્રહણઃ હમણાં શરૂ નહીં થાય : રાજકોટમાં કોરોનાના દર્દીઓ માટે ૩ ખાનગી હોસ્પિટલો શરૂ થવાની હતી પરંતુ ઓકિસજનની અછતના પરિણામે આ હોસ્પિટલો શરૂ થઇ શકી નથીઃ ઓકિસજનનો પૂરતો પુરવઠો ઉપલબ્ધ થયે આ હોસ્પિટલો શરૂ થશે તેવું જાણવા મળે છે access_time 4:02 pm IST

  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST