Gujarati News

Gujarati News

News of Monday, 22nd April 2019

સેન્સેક્સમાં 495 અંકનું જંગી ગાબડું :ઈરાનથી તેલ આયાત પર અમેરિકાના પ્રતિબંધની ઘેરીઅસર;નિફટીમાં પણ કડાકો

મે મહિનાથી ઈરાનમાંથી તેલ આયાત પર ભારત સહિત આઠ દેશોની છૂટ પૂરી થવા અહેવાલે મોટો ઘટાડો

મુંબઈઃ અમેરિકા દ્વારા ભારત સહિત આઠ દેશોને ઈરાન પાસેથી મેથી તેલ આયાત કરવામાં કોઈ છૂટ ન આપવાના સમાચારથી ડોમેસ્ટિક શેર બજારમાં કડાકો બોલી ગયો હતો  આ સમાચારથી ડોલરના મુકાબલે રૂપિયામાં ઘટાડો થયો અને વિદેશી રોકાણ પ્રભાવિત થયું, જેથી સેન્સેક્સ લગભગ 500 પોઈન્ટ તો નિફ્ટી 11,600 પોઈન્ટના સ્તરથી નીચે આવી ગઈ હતી. 

બીએસઈની 31 કંપનીઓના શેરો પર આધારિત સેન્સરી ઇન્ડેક્સ સેન્સેક્સ 495.10 પોઈન્ટ (1.26%)ના ઘટાડા સાથે 38,645.18 પર બંધ થયો હતો. તો નેશનલ સ્ટોક એક્સચેન્જ (એનએસઈ)ની 50 કંપનીઓના શેરો પર આધારિત સેન્સરી ઇન્ડેક્સ નિફ્ટી 158.35 પોઈન્ટ (1.35%)ના ઘટાડા સાથે 11,594.45 પર બંધ થઈ હતી. 

દિવસભરના કારોબારમાં સેન્સેક્સે 39,158.22ની ઉપલી સપાટી, જ્યારે 38,585.65ની નિચલી સપાટી વટાવી હતી. તો નિફ્ટીએ 11,727.05ની ઉપરી સપાટી તો 11,583.95ની નિચલી સપાટી વટાવી હતી. બીએસઈ પર પાંચ કંપનીઓના શેર લીલા નિશાન પર તો 26 કંપનીઓના શેર લાલ નિશાન પર બંધ થયા હતા. એનએસઈ પર 10 કંપનીના શેરની ખરીદી તો 40 કંપનીના શેરોમાં વેચાણ જોવા મળ્યું હતું.

(7:24 pm IST)
  • રાજ્યમાં કથળતા શિક્ષણના સ્તરને લઈને હાઇકોર્ટે લીધી ગંભીર નોંધ: માંગ્યો જવાબ:શિક્ષકો ખાનગી ટ્યુશન કરતા હોવાની પણ લીધી ગંભીર નોંધ ;સરકારી શાળાના કથળતા શિક્ષણ અંગે હાઇકોર્ટ ગંભીર access_time 12:47 am IST

  • હવે જયાપ્રદા પર વિવાદમાં ફસાયા :કહ્યું આઝમખાને મારા વિરુદ્દ ટિપ્પણી કરી છે એ જોતા માયાવતીજી વિચારો, આઝામખાનની એક્સરે જેવી આંખો તમારા ઉપર પણ ક્યાં ક્યાં નજર નાખીને જોશે :જયાપ્રદાના નિવેદનથી ચૂંટણીપંચ ખફા :જયાપ્રદા વિરુદ્ધ ફરિયાદ access_time 12:35 pm IST

  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST